Lafaek News–Sekretariu jeral partidu Congressu Nasional Rekonstrusaun de Timor (CNRT), Francisco Kalbuadi Lay afirma, prezidente partidu CNRT Kay Rala Xanana Gusmão nia dutrina hanorin no eduka ema hotu tenke hatene sentidu estadu.
Kalbuadi Lay hatoo asuntu ne’e iha serimonia abertura konsolidasaun nasional partidu CNRT, sábadu iha salaun katedral Dili ho tema hametin abut CNRT iha baze atu fiar an la’o ba oin,
sábadu (18/06/2022), hala’o abertura konsolidasaun dahuluk iha munisipiu Dili ho intensaun hametin abut CRT iha baze atu Fiar An La’o Ba Oin.
Iha abertura konsolidasaun dahuluk ne’e, Sekretáriu Jerál partidu CNRT, Francisco Kalbuadi Lay hateten, nia parte lori prezidente partidu CNRT Kay Rala Xanana Gusmão nia naran hatoo obrigadu boot tebes no agradese tebes ba koordenadores no fiskaṕs husi baze too nasional ne’ebé hatudu ona vontade servisu iha eleisaun prezidensial ne’ebé rezultadu lori José Manuel Ramos Horta ba Prezidente Repúblika ba mandatu daruak husi 2022-2027.
Ohin ne’e programa rua ida mak agradesimentu imi hotu nia kontribuisaun no sakrífisiu ba buat hotu durante eleisaun prezidensiál Primeiru no segundu ronde, ita hotu hamutuk ho movimentu sira hotu no partidu kiik sira hotu ita konsege lori porsentu 62,9 ne’ebé lori ona ita nia maun boot José Ramos Horta ba Ai-tarak laran, ba imi hotu parabéns,’’ katak Sekjen partidu CNRT ne’e iha salaun Katedral sábadu foin lalais.
Iha biban ne’e, Francisco Kalbuadi Lay husu membru partidu CNRT husi baze too nasional atu hatene sentidu estadu, prezidente partidu CNRT Kay Ray Rala Xanana Gusmão nia doutrina eduka ema hotu kuda no hametin interese nasional iha ema ida-idak nia fuan.
Ita hotu tenke hatene Sentidu Estadu, partidu CNRT ne’e maun boot Kay Rala Xanana Gusmão hanorin ita partidu ne’e partidu, maibé interese nasionál sa liu partidu, nune’e komesa husi 20 Maiu ho oras 00:00 mai oin ita nia na’in Prezidente Repúblika, José Ramos Horta sai ona Prezidente Repúblika ba povu tomak Timor-Leste,’’katak Lay.
Tanba ne’e, nu’udar sekretairu jeral partidu CNRT hato’o agradesimentu ne’e baibain tau avo nain rua nia foto, maibé ha’u mai iha ne’e fó kedas orientasaun, partidu ne’e partidu, komesa husi 20 Maiu ba oin maun boot José Ramos Horta Prezidente Repúblika ba povu Timor laran tomak nu’udar Xefe Estadu.
Ita Partidu hela iha ita nia fatin no respeitu ema hot-hotu nune’e fó tempu ba ita nia nain Prezidente Repúblika hodi bele halo servisu hodi haree ita hot-hotu no povu tomak,’’nia hakotu.
Jornalista : Agapito de Deus
Editor : Floriano Soares
