Lafaek News–Presidente Repúblika José Ramos Horta fo hanoin oitavu governu konstituisional no parseiru dezenvolvimentu sira atu iha alvu konsentradu prioridade fornesimentu asesu edukasaun pre-eskolar ba labarik atu harii baze forte nune’e bele atinje sira-nia dezenvolvimentu pontensial tomak.
Prezidente Repúblika José Ramos Horta hatoo asuntu ne’e hafoin partisipa iha Timor-Leste Development Partners Meeting ho tema together we work to recover The economy Towards a Resilient society ne’ebé hala’o iha salaun auditorium Ministériu Finansas Aitarak-laran.
Ha’u rekomenda ba ita-nia governu no parseiru dezenvolvimentu sira atu iha alvu ne’ebé konsentradu ba prioridade hanesan fornese asesu ba edukasaun pre-eskolar ba labarik hotu-hotu atu harii baze ne’ebé forte ba ita-nia oan sira atu nune’e sira bele atinji sira-nia dezenvovlimentu pontensial tomak, labele para eskola, no remata sira-nia estudu”, dehan Prezidente Repúblika Josè Ramos Horta iha nia diskursu iha auditorium Ministériu Finansas Aitarak-laran Sexta ( 10/06/2022).
Entretantu Xefe Estadu ne’e mos husu redús ma-nutrisaun ba labarik, liuliu iha loron 1000 dahuluk entre konsepsaun (bebé iha knotak) to’o bebé sira halo tinan daruak foinsae labarik halo ona tinan rua, kuaze impossivel atu reverte efeitu má-nutrisaun, Fó-susu-been inan ba bebé diminui alarmante, no ida-ne’e tanba ignoránsia no promosaun susu-been formula ne’ebé laiha moral.
Ha’u husu ba governu atu urjentimente adota kódigu OMS susu-been inan nian ne’ebé kleur ona iha Ministériu Saúde to’o kuaze dékada ida, kombinasaun husi pobreza, ignoránsia no promosaun komersial susu-been formula artifisial hola papel krítiku ba prevalénsia raes-badak ne’ebé akontese ba ita-nia oan sira,’’esplika PR Horta iha diskursu.
Jornalista : Rita Moniz
Editór : Agapito de Deus
