LafaekNews–Embaixadór Filipina iha Timor-Leste Abdul Maid Kiram Muin, hatete Kooperasaun Timor-Leste ho Filipina estudante nain atus tolu (300) liu hala’o estudu iha Filipina inklui haree mos aspetu sósiu-ekonómia.
“Durante ne’e Filipina halo vistu ba Timor oan sira barak, atus tolu liu ne’ebé mak ba estuda iha Filipina, sira balun remata ona, sira balun kontinua sira nia servisu , la’os de’it ida ne’e iha mos aspetu sosiu-ekonomia nian”, dehan Embaixadór Filipina iha Timor-Leste, Abdul Maid Kiram Muin hafoin hasoru malu ho PR José Ramos Horta iha Palásiu Prezidensiál bairo-pite tersa (07/06/2022).
Tuir Diplomata ne’e, nia parte sente orgullu ba kooperasaun entre nasaun rua Timor Leste ho Filipina, Prezidente Repúblika José Ramos Horta mos orgullu tanba kooperasaun entre rai rua lao di’ak. entretantu Embaixadór Abdul sei remata nia kargu hanesan Embaixadór iha fulan Juñu tinan ne’e hodi fila hikas ba Filipina.
Jornalista : Rita Moniz
Editór :Agapito de Deus
