Lafaek News–Prezidente Repúblika José Ramos Horta hatete, durante ezistensia advogadu hotu-hotu hatudu ona, iha ezersisiu funsaun, la kole atu kumpri kriteria legalidade no objetividade, ijensaun no obediénsia ba diretiva no orden ne’ebé prevee iha lei.
Durante sira nia ezistensia, advogadu hotu-hotu, iha Jeral no majistradu sira seluk hatudu ona iha ezersisiu sira nian funsaun, la kole atu kumpri kriteriu legalidade, objetividade, ijensaun no obediénsia ba diretiva no orden ne’ebé prevee iha lei, ne’ebé sujeita, infelizmente difisil atu atua, sira hasoru difikuldade, iha ema barak nia matan bele sai obstakulu prevene sira atu lao ho sira nia misaun”, dehan Prezidente Repúblika Josè Ramos Horta iha diskursu serimónia aniversáriu instituisaun ministeriu públiku ba dala 20 iha salaun MNEK, Praia dos Coqueiros, segunda (06/06/2022).
Xefe Estadu ne’e dehan, Ministériu Públiku Konesidu ho kondisaun difisil hotu-hotu ne’ebé autor sira hasoru iha setor Justisa ninia moris lor-loron, falta kondisaun material, númeru juis menus, prokurador, defensor públiku, maibé ho limitasaun ne’e, sira sei bele responde ba dezafiu ne’ebe MP hasoru loro-loron.
Estadu iha kompeténsia atu halo buat barak liután estadu tenke hatan ba ita-boot sira-nia nesesidade no kria kondisaun hirak ne’ebé presiza atu ita-boot sira bele halao ita-boot sira-nia knaar ho diak liutan, Justisa nuudar baze fundamental ba ita-nia ukun-fuan,’’katak Horta.
Horta hateten, governu iha responsabilidade atu promove no kria kondisaun material no umanu ne’ebé diak liu atu nune’e bele alkansa ninia objetivu, ne’ebé, atu servi nesesidade sidadaun, liu-husi hadia kondisaun servisu nian, no habelar tan pesoal kualifikadu no sira nia formasaun kontinua.
Importante tebes katak membru Ministériu públiku kontinua atua ho forma imparsial no ezemplu, la bele iha sala ba politizasaun iha prosesu analiza ba prosesu, abuzu poder, hahalok imoral ka la tuir etika. Hahalok hirak nee kuaze laversivelmente afeita ba obrigasaun imparsialidade no integridade, fundamental ba imajen institusional Ministériu públiku nian”, PR hatoo iha nia diskursu.
Iha fatin hanesan Prokurador Jéral Repúblika Alfonso Lopes afirma, inísiu prokurador laiha buat ida, instala fatin edifisiu, prokurador Jéral agora mantein nafatin reforsa ne’ebé instala iha Ermera, Vikeke, Maliana atu bele lori justisa hakbesik povu, nune’e povu senti depende direitu, nune’e bele asesu justisa.
Iha inísiu ita laiha buat ida, ita instala fatin edifisiu sira, prokuradór Jéral agora mantein nafatin reforsa tan Ana Pesoa ne’e alarga tiha, ita kee instala sira ne’e iha Ermera, Vikeke, Maliana atu bele hakbesik justisa ba povu, nune’e povu senti depende sira nia direitu, sira bele asesu justisa”, dehan prokurador Jéral Alfonso.
Observasaun lafaek news sita, iha selebrasaun aniversáriu instituisaun Ministériu Públiku ba dala 20 ne’e, partisipa husi Presidente Repúblika José Ramos Horta, Prezidente Parlamentu Nasionál Aniceto Guterres, representante prokurador distrital, Komandante Jerál PNTL, representante F-FDTL, representante prokurador jeral Repúblika Indonézia no membru oitavu governu Konstituisional.
Jornalista : Rita Moniz
Editór : Agapito de Deus
