Lafaek News–DILI 09 Maiu, 2022– Enkaregadu Negósiu Embaixada EUA Tom Daley hamutuk ho reprezentante sira husi Ministériu Edukasaun no Forsa Defeza Timor-Leste (F-FDTL) hodi koa ‘a fita no ofisialmente loke sala pré-eskolár foun rua iha Maubara ne’ ebé Estadus Unidus Amérika nia Foraa Navál Seabees mak harii. Fasilidade foun ne ‘e sei benefisia estudante 60 resin no harii ho orsamentu liu $ 220,000. Forsa Naval EUA hamutuk ruanulu resin lima harii eskola iha fulan tolu liu ba, ho apoiu husi Enjeñeiru F-FDTL nain neen. Projetu nee mak projetu 104 neebé konstrui ka rehabilta ona hosi Seabees dezde 2009.
Laiha sinál seluk ne ‘ebé di’ ak liu kona-ba ami-nia kompromisu ba ami-nia amizade dura nafatin ho Timor-Leste duké loke eskola ne’ e,” hatete Enkaregadu Negósiu, Tom Daley. “Forsa Naval EUA Seabees tau sira nia fuan no moris iha projetu ne ‘e, durante oras barak nia laran no uza padraun seguransa ne’ ebé diak hodi ajuda Timor-Leste harii futuru ida ne ‘ebé diak liu ba lider jerasaun foun sira tuir mai. Ha’ u mós hakarak agradese ami-nia omólogu timoroan sira ba sira-nia kolaborasaun no kontribuisaun importante ba esforsu ida ne ‘e.”
Forsa Naval EUA Seabees harii no reabilita ona klínika no eskola liu 100 iha Timor-Leste laran tomak hodi ajuda Timor-Leste harii futuru ida diak liu ba nia povu. Ho espiritu amizade mutual ne ‘e, Seabees kompleta ona projetu sira ne’ebé ho valor liu millaun $ 50 durante tinan 13 nia laran. Sira nia prezensa nafatin iha Timor-Leste dezde tinan 2009, grupu militár Amerikanu sira nia enjeñeiru sira kada fulan neen. Iha tempu badak, Seabees sei hahú konstrusaun ba sala eskola primária tolu iha Baucau ho valor kuaze $ 290,000
EUA-TL
