Lafaek News– 3 Maiu 2022, Bazeia ba konvite husi Governu Timor-Leste, ekipa ida husi Forsa Mariñas Estadus Unidus grupu 1 Lojístika nian hahú formasaun ho Polísia Nasionál Timor-Leste (PNTL) konaba eliminasaun material esplozivu. Formasaun durante semana haat ne ‘e sei hasa’ e PNTL nia kapasidade atu elimina ho seguru material esplozivu sira funu nian hodi asegura seguransa no vida Timoroan sira nian.
Formasaun ne’ebé hahu ohin reprezenta elementu importante husi ami ninia komitmentu ba esforu PNTL ninian atu hadiak servisu seguransa ba Timoroan sira,” Enkaregadu Negósiu Embaixada EUA, Tom Daley hateten. “Inisiativa ida ne’e sei hadiak kapasidade PNTL nian, haklean ita nia parseria no loke oportunidade ekonómika ba Timoroan sira, espesialmente ba setor agrikultura atu uza hikas rai sira ne’ebé uluk labele utiliza tanba iha material esplosivu. Estadus Unidus kompromete atu apoia Timor-Leste hodi oferese oportunidade ba Timor-oan sira iha tinan hirak mai.”
Ho Apoiu husi Ministériu Defeza EUA nian, Programa Umanitária Kontra Minas fornese apoiu atu dezenvolve kapasidade parseiru polisia lokal sira hodi halao deteksaun no eliminasaun minas no material esplozivu sira. Programa ida ne’e sei reuni Forsa Mariñas EUA no ofisial PNTL sir aba dahuluk hodi tuir formasaun no dezenvolve abilidade ba identifika ameasa, lokalizasaun, avaliasaun no jestaun seguransa. Tékniku sira mos sei halo formasaun konaba atendimentu vítima no jestaun apropiadu ba material esplozivu sira.
Estadus Unidus kompremitidu apoia Timor-Leste hodi responde ba ninia prioridade sira seguransa no dezenvolvimentu nian. Apoiu Seguransa EUA nian iha Timor-Leste konsentra liu ba reforsu estabilidade, fortalesimentu baze ba governasaun diak, asegura kondisaun sir aba dezenvolvimentu ekonómiku, hadiak servisu saude ba Timor-oan sira no apoiu profesionalizasaun Polisia Nasional Timor-Leste.
Media EUA-TL
