Lafaek News–Prezidente Cámara Comérsiu Indústria Timor Leste (CCI-TL), Oscar Lima hatoo parabens especial ba jornalista Timor Leste, no apresia hakerek Tetum di’ak, no husu atu krítika ba lala’ok ne’ebé sala hodi hadiak, no governu presiza tau konsiderasaun ba servisu media iha estadu soberanu ida ne’e.
Ba dahuluk ha’u fo parabens ba jornalista hotu selebra loron importante liberdade imprensa iha mundu no iha ita rain, jornalista sira de vez em quando ema dehan, jornalista sira krítiku demais mos la di’ak, ko’alia fali ida sala mos la di’ak, más prontu ita akompañia, tanba ami mos iha media kiik oan ida, maibé importante mak ne’e ita tenke fo informasaun loos ba povu,’’prezidente CCI-TL Oscar Lima ba lafaek news iha nia kna’ar fatin, tersa (03/05/2022).
Lima afirma, husu jornalista Timor Leste, atu matenek liután hodi fahe informasaun ne’ebé iha kredibilidade, informativu ho akurasia ba povu Timor Leste, ema atu gosta ka la gosta jornalista sira ne’e normal, importante mak jornalista sira tenke fo informasaun ne’ebé lolos ba públiku atu media nia naran bele boot ba bei-beik.https://lafaeknews.tl/ki-planea-transforma-balibo-sai-sidade-liberdade-no-harii-jardin-ida-iha-merkadu-lama/
Imi labele hanoin katak, ezemplu ha’u fo osan ba imi, maske ha’u ko’alia sala mos imi hakerek buat loos de’it, labele fan ita boot sira nia an hanesan jornalista hodi hetan osan, hodi subar fali ema seluk nia sala, ida ne’e jornalista sala, mezmu imi hakerek buat ne’ebé loos lalika tauk, hanesan Timor oan tenke kontribui atu ita iha liberdade iha ita rain,’’ Lima enkoraza.
Oscar Lima konsidera kontribuisaun jornalista importante tebes ba nasaun doben Timor Leste, maibé dala ida tan parabens ba jornalista sira Timor-oan sira ne’ebé hakerek Tetúm di’ak tebes, maske la di’ak liu, maibé di’ak ba da-daun, maske nei-neik sei bei-beik.
Ha’u fo parabens dala tan ba jornalista sira ne’ebé hakerek Tetúm di’ak, maske seidauk di’ak liu, maibé di’ak liu kompara bainhira ita hahú ukun rasik an, kompara ohin loron jornalista barak tebes halerek ita nia Tetúm di’ak tebes,’’Oscar Lima hakotu.
Jornalista : Agapito de Deus
Editor : Floriano Soares
