Lafaek News-(Baucau)-Programa Nasionál Dezenvolvimentu Suku (PNDS) sei reabilita sede Suku 23 iha Munísipiu Baukau tinan-2022.
Iha tinan-2022 agora ita halo reabilitasaun ba sede Suku hamutuk 23, entaun PNDS tau orsamentu ba reabilitasaun sede Suku,”dehan Diretóra PNDS Munísipiu Baukau, Amelia Maria Viegas ba jornalista sira iha kna’ar fatin Vila-Nova Baukau, tersa (26/04/2022).
Sede Suku hirak ne’e, pertense iha postu adminisitrativu Baguia Suku 9, Postu Venilale Suku 7 inklui Vemasse Suku 6.
Projetu reabilitasaun ne’e, ékipa PNDS konklui ona prosesu survey ba kada sede suku, da-daun ne’e iha ona faze preparasaun nune’e aprezenta ba Xefe do Suku sira hafoin implementa reabilitasaun.
bainhira sira ba survey sede Suku, sira ko’alia ho Xefe Suku sira kona-ba saidá mak presiza atu halo iha reabilitasaun, tanba sede Suku balun foin mak troka kalen, kalen sei diak hela karik suku hanoin atu aumenta sala ruma, troka kramik ruma, entaun sira dezenvolve fali point, bazeia ba pedidu ne’ebé hato’o husi xefe suku sira wainhira sira ba survey,”nia hatete
Orsamentu reabilitasaun ba kada suku ida montante US$ 12.000, tanba ne’e, projeitu refere, sei diriji husi ékipa jestaun Suku tuir sistema PNDS, no tuir planu projetu reabilitasaun hahú ona iha fulan-abríl tinan-2022, maibé kestaun tarde iha prosesu transferénsia orsamentu, da-daun orsamentu iha ona sei implementa iha tempu badak.
Alende mós, PNDS Baukau tinan-2022 hetan projeitu bee moos 13, orsamentu $.40.000 kada projeitu $.3.000 ba osan operasionál, $.37.000, osan infraestrutura ne’e fixu ona ba projetu 13 ne’ebé sei impletmenta iha tinan ida ne’e.
Enkuantu prosesu verifikasaun ba Uma Kbi’it La’ek (UKL) iha Munísipiu Baukau seidauk konklui ho razaun Xefe Suku balun laiha tempu, maibé kontinua esforsu konklui iha fulan ne’e.
Iha Suku-4, nafatin iha postu Baguia, maibé ami tenta nafatin atu konklui iha fulan-ida ne’e,”nia argumenta
Osamentu infreastrutura ba UKL iha Suku 59 kompostu uma 553 ho montante US$. 9.419.802,00 no orsamentu ba operasional hamutuk US$ 359.718,00.
Entertantu PNDS Baukau hahú prepara pedidu transferénsia ba projetu bee moos, reabilitasaun Sede Suku, projeitu PNDS regular, inklui UKL, nune’e submete ba Sekretáriadu hafoin transfere osan ba konta bankaria kada suku nian.
Jornalista : Ana Romana
Editór : Agapito de Deus
