Lafaek News–Motorista mikrolete diresaun Komoro 010 ho 011, deside mogok (paradu), ho razaun presu mina sa’e maka’as tanba pasajeirus sira selu la tuir presu mina iha Timor Leste.
Motorista Adalberto José husu governu liu husi Diresaun Nasionál Transportes Terrestre (DNTT) atu buka solusaun liga ho presu mina sa’e atu pasajeirus sira bele selu tuir situasaun ohin loron.
Ami para tanba elajer hasai surat ba karera sira husi munisipiu nia hasa’e presu tanba sa mak ami halai kareta iha kapita Dili ami husu atu hasae de’it 15 sen ba 2 sen ne’e sira la hasa’e, ami bazeia ba mina tanba mina agora sae ba $1.37 sen ne’e karun estudante sira mos selu la los selu 15 sen nee ami atu store saida ba padarau”, esplika portavoz Kondutor Mikrolete Adalberto Jose ba jornalista halao hela asaun Mogok iha diresaun Comoro eskola 30 de agusto tersa (26/04/2022).
Tuir motorista ne’e katak, bemo da-daun ne’e tenke paradu tanba DNTT nunka fo surat ida ba Mikrolete iha kapital Dili atu husu pasajeirus hotu selu tuir presu mina sa’e iha situasaun ohin loron, tarefas ba estudante sira selu 0.15 sen no ba funsiónariu selu 0.25 sen, tanba antes ne’e folin kombustivel seida’uk sae, i nafatin ejiji no husu DNTT tenke halo karta ida bele taka iha odamatan kareta nian ne’e atu estudante sira bele hatene.
Karik DNTT la taka sira selu nafatin 15 sen, tanba sira hatene hela mina folin sae mos sira selu 15 cen tanba maun sira la taka surat ruma iha kareta lolon nee mak ami hodi mogok ka para”.
Tuir observasaun Lafaek News nota mikrolete diresaun Komoro lansa asaun mogok iha tuku 6 dadeer, too agora kareta tula pasajeirus iha kapital Dili paradu.
Jornalista : Rita Moniz
Editor : Agapito de Deus
