Lafaek News-(Baukau)-Hospital Rejional Eduardo Ximenes (HOREX) Baukau rejista kazu Human Imunodeficiency Virus – Síndrome Imunodeficiência Adquirida HIV-SIDA husi 2021-2022 hamutuk 23 husi tinan 2021-22.
Maibé iha inisiu tinan-2022 rejistu tán pasiente HIV-SIDA foun feto-ida, nune’e dadaun númeru pasiente 23.
Entre 23 pesoas ne’e, foinsa’e mak barak liu, kala katuas iha na’in-2 ga na’in-3 deit, restu ne’e hotu-hotu foinsa’e,” Enfremeiru responsavél ba pasiente HIV-SIDA HOREX Baukau, Sabino de Carvalho ba jornalista sira iha nia kna’ar fatin, domingo (24/04/22)
Sabino informa, kazu HIV-SIDA 23 ne’e kompostu husi feto 9 no mane 13, pasiente hirak ne’e, kompostu husi Munísipiu Lautém na’in-2, Vikeke na’in-3, Manatutu 1, restu seluk husi munísipiu Baukau, moras ne’e la’os aat liu, maibé moras ne’ebé afeitadu wainhira ema halo relasaun seksual liu ema ida.
Sinais ba moras HIV-SIDA susar atu detekta wainhira mosu fo-foun, maibé sei detekta halo ona tinan-5 ba leten mak foin hatudu sinais liu-husi diarea ho mear nunka para, no moras refere bainhira domina ema nia isin sei arota imunidade hodi kauza moras oi-oin mosu impaktu ba saúde.
Kada fulan sira tenke mai foti aimoruk, kuandu la mai ha’u nia kolega iha tempu lori hela ba sira nia fatin,”nia hatete
Stock aimoruk ba moras HIV-SIDA Anty Retroriral Treatment (ART-sigla ingles) iha HoREX Baukau sei sufisiente atu atende ba pasiente sira.
Enkuantu pasiente ne’ebé konsideta afeita ona ba moras HIV-SIDA sei konsumu aimruk refere to’o moris remata iha mundu, tanba aimoruk refere lolos laos atu kura moras refere, maibé atu tahan de’it virus HIV-SIDA hodi labele sirkula iha ema nia isin lolon.
Jornalista : Ana Romana
Editor : Agapito de Deus
