Lafaek News–Eis kandidatu Prezidente Repúblika periodu 2022-2027 ho númeru sorteiu 7, Maria Helena L.de Jesus Pires, konsidera feto partisipasaun iha vida polítika la másimu susar,mske hola parte iha vida polítika ho razaun loos.
Helena L.de Jesus Pires deklara asuntu ne’e iha Muzeum Rejisténsia, sábadu (23/04/2022), hafoin sai oradora ba semináriu ho tema partisipasaun feto iha vida polítika.
Bain-Bain ita nia politika hanesan ne’e tuir esperensia ne’ebé ha’u iha nu’udar feto ne’ebe partisipa iha kandidatu Prezidente Repúblika foin lalais, partisipasaun feto iha vida polítika babain susar loos,tanba se feto la envolve iha partidu polítika ida ne’e mos, se envolvimentu feto iha vida polítika buat boot ida, maibé ha’u hanoin presiza tau buat loos iha fatin loos”, deklara oradóra Maria Helena L.de Jesus Pires.
Eis kandidatu ELPRES ne’e enkoraja feto maluk sira atu hola parte iha vida polítika, importante mos atu hola parte ba iha partidu politika sira, bainhira ko’alia kona-ba Parlamentu, governu, autoridade lokal sira mos bele hetan delegadu husi partidus polítikus, tanba posizaun partidu polítiku ne’e importante loos,maibé tenke hola parte ho razaun loos.
Feto nia partisipasaun iha vida polítika, ita hakarak sai membru polítika ida bele servi, servi ba povu tanba hakarak hola parte iha vida polítika, atu bele kontribui hadia povu nia moris, ita hotu povu,’’ afirma husi oradóra ne’e.
Tuir eis kandidatu ne’e katak partisipasaun vida polítika hotu-hotu tenki iha oportunidade hanesan bainhira ko’alia kona-ba povu nia moris di’ak, hakarak hotu-hotu bele iha oportunidade hanesan atu bele moris di’ak,partisipasaun iha polítika hakarak atu muda duni, kria duni Igualdade, liberdade hanesan.
Entretantu semináriu ne’e organiza husi organizasaun klibur Juventudi Ilomar no partisipa iha semináriu ne’e maioria husi estudante universitáru no juventude sira.
Jornalista : Rita Moniz
Editór : Agapito de Deus
