Lafaek News–Komandu Jeral Polísia Nasionál Timor-Leste (PNTL), kaptura ona autor prinsipal na’in rua ho inisiál PHM idade 26 ida seluk Inisial AM idade 40 ne’ebé lansa propaganda audiu gravasaun ne’eb da-daub viral iha rede sosial (Whatsapp), nakonu ho ameasadu atu estraga transporte no hakanek sidadaun husi munisipiu Lautem ho Manatutu.
Lia hirak ne’e hato’o husi Porta vóz PNTL Superintendente Xefe Armando Monteiro ba jornalista liu husi komunikadu imprensa iha salaun enkontru Komandu Jeral PNTL Kaikoli Dili, sabadu 23/04/2022.
Porta Vóz PNTL Armandu informa, Komandu Jeral PNTL liu husi Relasaun Publika hamutuk ho Polisia Nasional Servisu Investigasaun Kriminal (PNSIK), halo komferensia Imprensa relasiona ho grupu balu neebe lansa propaganda no azitasaun iha rede sosial iha loron 20/04/2022 oras tuku 08:00.am neebe ohin loron viral iha publiku.
Situasaun no ezijensia hirak nee PNTL halo intensiva ho estratezia operasaun ida ne’ebé la’o hahu husi loron rua liu ba to’o ohin dader ita kaptura ona autor prinsipal nain rua iha hali Dolar Hera Kristu Rei Dili, ne’ebé lansa propaganda iha rede sosial (whatsapp),” Porta vóz PNTL Armando Deklara.
Superintendente Xefe Armando Afirma, Suspeitu ka autor prinsipal nee nain rua no mos nain lima sira seluk PNTL identifika ona entaun PNTL kontinua halo operasaun nunee kaptura hotu nain lima seluk hodi supmete iha prosesu investigasaun, komandu Jeral PNTL apela ba sidadaun hotu la bele pániku, maibé fiar ba autoridade seguransa no autoridade loka ne’ebé besik hela komunidade.
karik iha movimentu indikasaun krime ne’ebé kria tenta sobu estabilidade iha rai laran informa lalais ba PNTL ho autoridade seguransa tomak hola medida preventiva no represivu imediata nunee komunidade moris livre kontinua halao atividade sustenta moris,” Armando esplika.
Nia afirma, Ohin mais ou menus tuku 08 ou 09 lori mai komandu Jeral PNTL agora ekipa investigasaun kriminal halo hela investigasaun ba autor nain rua no ekipa Operasional kontinua buka autor nain 5 seluk ne’ebé seidauk kaptura.
Jornalista : Orlando Magno
Editor : Agapito de Deus
