Lafaek News–Polísia Nasionál Timor-Leste (PNTL), liu husi seksaun Tránzitu Munisipiu Dili Prende tan motorizada hamutuk atus ida (100) resin tanba kontra kódigu estrada no asesorias la kompletu bainhira ba tuir kampaña kandidatu numeru 1 iha tasi tolu Dili, antes ne’e mos Polísia Tránzitu mos prende motorizadas hamutuk 44 husi kandidatu númeru sorteiru 2 Francisco Guterres Lú Olo. https://lafaeknews.tl/kampana-kandidatu-nu-2-poltras-prende-motorizada-hamutuk-44/
Komandante Polísia Tranzitu Munisipiu Dili, Inspetor Domingos Gama afirma, atividade ba Kampaña segundu ronde kandidatu numeru 1 ohin 12/04/2022 dader tuku 09:00 too 03:00 dadus provizoriu evidensia motorizada hamutuk 59 inklui kareta ida no mós horisehik motorizada 51 mak halo apriensaun.
Ohin no horisehik ita prende motorizada tuir dadus provizoriu motorizada 100 resin maibe Ita seidauk hatene lolos total tanba agora kampaña seidauk hotu entaun ita hein fali orsida kampaña hotu ita kontinua halo observasaun ba infrator sira númeru bele aumenta tan,” dehan Komandante Tranzitu Munisipiu Dili Inspetor Domingos Gama Ba jornalista iha Tasi tolu Dili, Tersa 12/04/2022.
Gama Esplika, infrator sira komete krime kódigu estrada, tanba barak liu la uza kapasete, asesores la kompletu, hanesan lalenok (ispelu), la iha no mós uza kanu resis iha estrada públiku.
Sira ne’ebe uza kanu resik multa $.120, La uza kapasete selu $.30, asesores hanesan lalenok ho sapa matríkula mak la iha selu $.60, laleno sorin la iha $.45 no mós kontra sinais Tranzitu selu $.45 normalmente infrasaun ne’e hanesan,” Inspetor Gama Deklara.
Komandante Polísia Tranzitu Munísipiu Dili Gama Relata, hirak ne’ebé ohin komete infrasaun sei simu resivu husi Seksaun Tranzitu munísipiu Dili depois ba halo pagamentu iha BNCTL hotu lori fila resivu ba hatudu iha komandu munísipiu Dili seksaun Tranzitu mak foin bele foti motorizadas ne’ebé komete infrasaun.
Obrsevasaun Jornalista Iha terenu nota kata, sidadaun sira ne’ebé uza motorizada ne’ebé Tranzitu Prende maioria apoiantes kandidatu prezidente númeru 1 ho 2 ne’ebe atu tuir kampaña inklui estudante balu mós kontra kódigu estrada.
Jornalista : Orlando Magno
Editor : Agapito de eus
