Lafaek News–Neseidade ekonomia estagnadu hafoin kauza husi impase polítika no propagasaun covid-19 iha Timor Leste lori impaktu ba povu kiik sira susar atu moris iha ekonomia dignu komunidade kiik sira tenke sai atan ba malun hodi tulun hetan nesesidade moris loron.
Haree husi realidade loro-loron povu kontinua halerik ba nesesidade, balun sai atan ba ema seluk fase ema nia ropa foer hodi hetan netik dolar ida ka rua hodi sosa foos haknauk ba kabun loro-loron iha uma laran.
Hermelinda de Jesus Mesquita haktuir situasaun moris moruk liu, dala ruma fulan ida tomak la hetan osan, sorte di’ak viziñu sira ne’ebé uma tatis ba malu bolu nia hodi fase sira nia ropa no lori sira oan ba eskola selu ho dolar ida rua.
Ha’u triste wainhira hare’e inan aman kondisaun hanesan ne’e maibe ha’u esforsu nafatin naran halo tun halo sae para hetan osan hodi suporta ba ha’u alin sira hodi ba eskola no mos sustenta ba nesesidade loro-loron nian,maibe dalaruma ema bolu ha’u ba fase ema nia roupa oan ida, lori ema nia oan ba eskola mak ema fo osan ha’u,’’ katak Ermelinda de Jesus Mesquita ba lafaek news iha nia rezidénsia aldeia Tanemutu suku Kuluhun, segunda (04/04/22).
Hermelinda nu’udar oan dahaat husi Clara Mesquita no Filomeno de Jesus, espresa ho sentimentu triste tamba hare’e ba kondisaun inan aman la digno, maibe triste haree nia inan Clara ne’ebé sofre hela estomuk tanba han la reguladu tuir oras.
Oan feto ba dahaat ne’e haktuir, nia inan Clara Mesquita idade 58 too ohin sofre estomuk, maibé molok nia inan sofre moras seluk tan, maibé moras uluk estomuk halo nia inan han ladiak too liman ain sin, la’o ladiak too agora kondisaun la saudavel loron kalan nia tu’ur iha fatin.
Pertama hetan moras estomuk uluk han ladiak liman ain sin depois hetan tan moras rins la’o ladiak loron kalan mak tu’ur de’it iha uma la halo buat ida la kaer servisu tu’ur loos de’it,” haktuir oan husi Clara
Iha sorin seluk, Clara esplika, antes ne’e nia hetan uluk tratamentu iha klínika Bekora Santa Elizabeth simu de’it aimoruk, bainhira hemu aimoruk ne’e hotu mós sente moras no laiha mudansa.
Ha’u hetan uluk tratamentu iha klinika Santa Elizabeth Bekora Ha’u simu deit aimoruk mai hemu ,aimoruk nee ha’u hemu laiha mudansa iha ha’u nia isin lolon dalaruma to’ o semana moras fali de’it ,” Clara dehan.
Aleinde ne’e, sofre tan moras seluk hanesan matan haree la mos too isin lolon book an la di’ak, maske doutor sira dehan prevene hahán de’it no hahán ne’ebe mak loro-loron Clara tenke han mak sasoro no Modo tahan de’it atu oinsá halakon tiha moras at hirak ne’e husi Clara nia isin lolon.
Clara Mesquita ho nia kaben Filomeno de Jesus iha oan hamutuk nain 9 kompostu husi mane 3 no feto 6 entre nain 9 ne’e, oan ha’at de’it mak eskola no nain lima la eskola tanba osan laiha atu selu, sente triste tebes tanba nia Clara nia kaben Filomeno presaun moris loron kauza nia hetan moras mental no hanoin se mak atu tau matan ba nia oan sira.
Ha’u nia laen moras mental hahú husi tinan 2000 too agora seidauk di’ak, ne’ebé ha’u triste liu se mak atu suporta labarik sira ne’e ba eskola uluk ha’u sei diak nee ha’u fase Ema Nia roupa mak hodi selu ba eskola no sustenta ba necesidade loro-loron nian agora ami rua kondisaun hanesan ne’e hotu,’’Clara hakotu lia.
Jornalista :Domingas Viana
Editor : Agapito de Deus
