Loron, 04/04/2022.
Ah, afinál iha Kampaña ba II Volta El-Prez ne’e sai mós biban-murak ida atu hatuur história loos URA TL nian.
“Mari kita bongkar” (markibong) história-falsu sira!
Iha Konferénsia Impreza, (ha’u haree iha 04/04/2022 dadeer), Tim Susesu JRH deklara katak iha mós obrigasaun-morál ida mak atu haloos tiha História- kleuk (distorção) Luta ba URA TL, basá, tuir sira-nia observasaun, iha tentativa durante kampaña ne’e atu koko hakleuk tiha hiastória -loos ba interese grupu partido. Se tebes duni, “mari kita bongkar, bongkar” tiha de’it atu haloos fali história URA TL.
“MARÍ bongkar!”
Oh, afinál durante URA ne’e haksumik hela fatus barak mak falsu, ilegál no informál tan ne’e mak MA “bongkar”. Ezemplu balun:
— Abó Xabi traidór; la’ós proklamadór 28/11/75.
— Xanana “Comandante em Chefe” lider informál, iha rai-laran. Se loos duni nune’e, mak Frente Armada-Falintil informál, Frente Clandestina informál luta ba URA ilegál, sai Prezidente RDTL ilegál.
— Se CNRT-Xanana mak la’ós movimentu ida nebé hatutan Fretilin movimentu’75-Nicolau mak “bongkar” tiha de’it.
— Se Referendum’99 ba Restaurasaun URA mak unilaterál, iha de’it mahon bandeira Falintil/Fretilin ka CNRT nian, mak ilegál hotu tan la hakuak Timor oan sira tomak hotu no mundo, nsst tan. Nune’e mak:
— K-RDTL mós ilegál hotu; kal loos duni karik, mak la sai abut-metin ba formasaun governo sira tutir-malu durante ne’e, la metin, monu-hamrik tan ilegál hotu hela? Mak MA sobu, “bongkar” tiha ba!
Hakfodak tebes tanbasá mak budu hela injustisa sira to’o agora mak foin loke, “bongkar” história-falsu sira ne’e?
Ai, motokoruk (celaka) ba lider nasionál laran-aat sira nebé mak hasubar hela história-loos. “Bongkar!”
“Como pode um povo reconhecido de digna nobreza viver e resistir numa nova era ilustrada apenas de tanta falsidade, ilegalidade e de mais informalidades?”
Aduh, see mak hakarak atu moris hela de’it iha báze-ideolójika ida nebé falsu, ilegál no informál nia leten?
“Mari bongkar, bongkar (markibong2)” hotu tiha de’it ba! História nebé mak hakerek tiha ona no sira nebé mak seidauk hakerek, “bongkar” hotu, husu fali ba fonte-moris loloos no maksasin-matan sira nebé sei moris, molok sira mate tan tiha hotu, atu bele loke, halekar no hakerek fali história ida loos.
Se Nasaun doben ne’e mak hari’i de’it iha história-falsu nia leten mak sei naksobu- rahun tiha; karik ida ne’e mak haree hela dadaun oras ne’e? Hein katak laek.
Tansá Nasaun RDTL hatuur no hari’i de’it ho fatuk-rai no ai-lahuk sira fulin-laek?
Ai, kasian! Lutadór sira mesak laran-aat, mate namkari, ruin sira naklekar nabutu rai; afinál, sira mak hakleuk hela história durante luta ba URA ne’e. Luta saukati loos! Raan nakfakar leet de’it! “Quo vadis Independénsia?”
História TL nian nebé loos mak sei sai maksasin-justu ba URA. Povu-ki’ik hatene de’it mak URA. Yan ne’e, “Mari kita bongkar, bongkar, bongkar” (marki bong3) tiha de’it …!!!”
Ikus, liga ho aspetu espirituál : ha’u-nia votu mak karan-kmok justu nebé tau iha lohu oan oin rua: “Lohu-mutin no Lohu- mean, nebé hafutar ho kór reprezentativu Kristu Moris-hi’as iha Páskoa hodi saran ba Altar-Satu, hosi liman-karuak portadór Asembleia Santa: JRH mak lohu-mutin’ 1 & LO mak lohu-mean’2.
“Chistus vincit, Chistus reigna …!”
Ha’u-nia votu-segredu mak marka justisa no lialoos, iha loron 19/04/2022.
Viva TL Independente!
