Lafaek News-(Baukau)-Polísia Nasional Timor Leste (PNTL), munisípiu Baukau, Sup. Xefe Polísia, Antonio Maria de Sá, informa autoridade seguransa Baukau kaptura ema foin sa’e (joven) na’in neen (6) hatama iha sela tanba viola regras eleitoral.
Komandante PNTL munisípiu Baukau ne’e haktuir kronolojia husi akontesimentu ne’e, iha ema joven nain haat defende ida idak nia kandidatu, hanesan Kadidatu numeru 6 – 9 -14, sira dezintende malu rezulta baku malu, situasaun ne’e akontese hafoin sira fila husi votasaun, no parte seluk apoiante kandidatu númeru sorteiu 8, iha Baguia joven lubuk uza atributu kandidatu númeru 8 ho kondisaun lanu tenta, perturba ekipa CNE ho STAE ne’ebé halo desklokasaun material eleisaun ba Baguia, PNTL konsege hakalma sistuasaun, maibé mos kaer joven ida tanba publika vidio dehan polísia halo asaun fíziku hasoru sira Joven iha Baguia, tanba espanduk númeru kandidatu númeru 8 la hasai, Polísia mos Intregas faktus kontras regras hirak direta ba CNE.
Autoridade seguransa munisípiu Baukau mos kaptura autor ne’ebé publika vidio hatama iha Sela, tanba espekula fali katak polísia mak baku joven hirak ne’e, maibé iha terenu situasaun akontese oin seluk la hanesan publikasaun vidio refere, faktus kontra regras hirak ne’e polísia Baukau entrega ona ba CNE.
Hori-kalan iha sentru votasaun escola terseiru siklus númeru 3 Vila-Nova postu administrativu Vila munisípiu Baukau iha autor ba lebe tenta perturba ba sentru votasaun ho kondisaun lanu suspeitu halai, maibe ita konsege kaer no iha ona sela polisia Baukau ida naran Inisial ACB, idade 41 mane kaben nain hela iha bairu Ralalele Baucau vila,’’ afirma komandante PNTL munisípiu Baukau Sup, Xefe polísiaa Antonio Maria de Sá ba jornalista sira iha nia kna’ar fati eskuadra Baukau, Domingu (20/03/22).
Antonio de klara, iha mós akontesimentu hanesan iha Kaibada apoiante Kandidatu númeru 9, númeru 6 ho 14, ne’ebé sei relasaun familia kompostu maun alin rasik ho rian rasik sira lanu debate hodi defende kandidatu ida idak nia too baku malu.
Ita kaer hotu lori mai sela polísia submete ba prosessu investigasaun,” konta Komandate polisia Superindente xefe polísia, Antonio Maria de Sa ba jornalista sira iha eskuadra komandu PNTL Baucau,’’ komandante PNTL Baukau ne’e relata.
Jornalista : Acacio Pinto
Editor : Agapito de Deus
