Lafaek News–Komandante Jerál Polísia Nasionál Timor-Leste (PNTL), Faustino da Costa, informa situasaun iha tetitoriu laran tomak la’o hakmatek, tanba membru PNTL hamutuk 4000 liu alokadu ona ba sentru votasaun husi rejionál too nasional.
Too oras ne’e da-daun situasaun iha tetitóriu tomak la’o hakmatek, so ke ita akompaña asidente no akontesimentu balun Polísia asegura, más seidauk iha situasaun grave,” afirma Faustino da Costa hafoin vota iha sentru votasaun eskola primaria Farol, sábadu (19/03/2022).
Komandante Jeral PNTL ne’e afirma, maske akontese situasaun balun ne’ebé fiskais lori urna ba sentru votasaun iha munisípiu Kovalima, Maliana ho udan no mota boot, maibé ekipamentu hotu too duni sentru votasaun.
Membru Polisia Nasionál Timor-Leste hamutuk na’in 4000 resin aloka hotu ba sentru votasaun tantu nasional no munisipiu”, deklara komjer.
Iha okaziaun ne’e lider PNTL ne’e husu eleitor hot-hotu tenke partisipa iha votasaun, tanba partisipasaun importante, maibé nu’udar sidadaun votu segredu, festa demokrasia se de’it hakat ba sentru votasaun atu ezerse ninia direiru.
Eleitor hotu-hotu tenke partisipa, tanba partisipasaun importante, maibé nu’udar sidadaun votu segredu,’’ Faustino hakotu.
Jornalista : Rita Moniz
Editor : Agapito de Deus
