Lafaek News (Bobonaro)-Xefe Eletrisidade Timor Leste (EDTL) munisípiu Bobonaru, Mario de Jesus Soares, Informa populasaun suku 4 ho ninia povoasaun 64 iha Munisípiu Bobonaru too ohin seidauk asesu liña eletrifikasaun.
Suku haat kompostu husi aldeia 64 mak hanesan, suku Geulai, Dau-udu, Ilatlau, no Kuda kompostus aldeia 64 dezde restaurasaun independénsia 2002-2022 seidauk haree furak roman husi liña eletrisidade.
Iha munisípiu Bobonaru ne’e iha Suku 4 ho nia aldeia 64 komunidade sira seidauk Assesu ba liña eletrisidade,’’ katak Mário lafaek news Iha nia kna’ar fatin EDTL Maliana Villa sabadu semana ne’e.
Tuir Dadaus ne’ebe EDTL munisípiu Bobonaru rejista iha kliente hamutuk Rihun Sanulu resin lima, atus sia sia nulu resin sia no Komunidade ne’ebé uza ona Kontador prepargu hamutuk rihun sanulu resin hat, liu atus rua resin mak uza Kontador prépagu ne’ebe la’o normal.
Populasaun munisípiu Bobonaru Porsentu 25 to’o agora seidauk uza kontádor prepagu, maibé EDTL munisipiu Bobonaru sei esforsu atu nune’e komunidade bele uza kontador prepargu hodi kontribu reseitas ba estadu.
Ha’u orienta ona Hau Nia Pesoal Sira iha tinan bele Monta hotu ona Kontador prepargu, tanba buat Ida ligasaun illegal ne’e fo impaktu tebes ba ita no mos iha Lei ne’ebe sei regula ita kuandu Ita uza ahi ilegal.” Nia Alerta.
Mario informa, difikuldade ne’ebé EDTL munisípiu Bobonaru hasoru iha terenu susar liu ba transportes atu fasilita ekipa halo intervensaun lalais bainhira eletrisidade failla, tan ne’e husu parte kompetente atu responde lalais preukupasaun ne’e atu buka transporte ida responde ba EDTL munisípiu Bobonaru atu tula ekipa ba halo manutensaun ba liña eletrifikasaun ne’ebé avairadu.
Dadaun ne’e ami iha kareta tolu maibe ida aat tiha no, falta rua de’it mak hodi uza ba hala’o Servisu ,no ida aat ne’e halo hela manutensaun iha Díli, maibé EDTL Nasionál mos apoiu tan kareta ida mai ne’ebe ami sente Sufisiente ona ba ami,” dehan Mário.
Antes ne’e mós EDTL Munisipiu Bobonaru Simu uluk Motorizada hamutuk unidade 7, maibé distribui ona ba pesoal sira iha postu administrativo 5 atu pesoal sira bele hala’o Servisu atendementu ba komunidade, no total funsionáriu EDTL Bobonaru hamutuk 29.
Jornalista :Domingas Viana
Editor : Agapito de Deus
