Lafaek News- Embaixadór international Repúblika da Angola, xefe misaun observasaun CPLP, José Guerrero Alves Primo, hatete nia solidariedade ba povu Timor-Leste, apoiu no garante sei lao di’ak liután eleisaun 2022, povu nia votu soberanu garante hili ema ne’ebé mak loos sai Presidente Repúblika ba períodu 2022-2027.
Hatoo solidariedade, Timor-Leste hanesan elisaun sira ne’ebé liu tia ona, ami apoiu espera sei lao di’ak liu tan eleisaun ida ne’e, susesu eleisaun ne’e iha povu nia liman”, Embaixadór international Repúblika da Angola, xefe misaun observasaun CPLP, José Guerrero Alves Primo hafoin enkontru semanal ho PR Francisco Guterres Lú Olo iha Palasíu Presidensiál Bairo-pite, sesta (18/03/2022).
Tuir Embaixadór Angola José sublina, povu nia votu ne’e soberanu as tebes-tebes, nune’e nia garante sei hili ema ne’ebé mak loos no di’ak bele sai Presidente Repúblika ba períodu 2022-2027 hodi ukun rai ida ne’e.
Ami nia membru CPLP nian nain 16 representante membru husi Portugal Angola,Brazil,Caboverrde, guinevisaun,misanvique, inklui membru asembleia parlamentar, ne’ebé mak sei halo observasaun ba eleisaun prezidensiál, hanesan observador , hodi mai haree saida mak ami bele halo , lala’ok eleisaun ida ne’e tenki transparansia buat hotu lao di’ak”, dehan Embaixadór José.
Embaixadór international Repúblika da Angola, xefe misaun observasaun CPLP, José Guerrero Alves Primo hatoo asuntu ne’e hafoin remata enkontru semanal ho atùal Presidente Repúblika Francisco Guterres Lú Olo iha Palasíu Presidensiál Bairo-pite.
Jornalista : Rita Moniz
Editor : Agapito de Deus
