Lafaek News–Comisaun Nasionál Eleisaun (CNE) deside GMN-TV hodi halo transmisaun direta ba debate públiku entre kandidatura sira iha loron aban, kompara ho RTTL tanba GMN TV iha kustu $12,00 ho nia kulidade ekipamentu dijitalizadu no RTTL mai ho kustu $26,500.
Prezidente CNE José Agustino da Costa belo, hato’o asuntu ne’e iha konferénsia imprensa ne’ebé ko’alia kona-ba balansu kampaña eleitoral iha sala konferénsia CNE Dili ohin loron 13/03/2022, nia konfesa loron tersa 15/03/2022, sei iha debate públiku ne’ebé organiza hosi CNE ba kandidatu hotu, ne’e hanesan espasu ida ne’ebé komisáriu sira deskute hamutuk ho parseiru sira hotu hodi oferese debate ida ne’ebé di’ak no dignu ba kadidatu sira atu bele pronúnsia vizaun, misaun no komitmentu aban-bairua.
Públiku agora kestiona hela nusa mak CNE deside GMN TV sai hanesan Tevelezaun ida ne’ebé fó sai transmisaun direta ba debate publiku ida ne’e tanba sa laos RTTL nia ressposta mak
Realidade ne’e iha katak, iha televezaun tolu mak hatoo sira nia kotasaun no konvite ne’e fó ba sira antes semana ida sira aprejenta sira nia kotasaun. Hosi kotasaun ne’e ita nia regras aprovizionamentu ne’e mai hosi diretór jerál no tékniku mak halo hela avalizaun ba dokumentu hotu no rezultadu hosi avalisaun ne’e mak lori ba plenaria atu komisariu sira apresia tuir kriteriu sira ne’e iha.
‘’Ita hatene katak TVE lakonsege aprezenta nia kotasaun, iha de’it ba GMN TV no Radio Televezaun Timor-Leste (RTTL). Hosi kotasaun ne’e, RTTL aprejenta katak, atu halo live ne’e ninia kustu ba oras 4 total $4,800 maibé montante ba de’it transmisaun direta nian, seidauk sura ho ekipamentu sira no karik sura hamutuk ho ekipametu totál hamutuk $26,500,’’ katak Belo.
Maibé GMN TV aprezenta $12,00 ne’e kompletu inklui ekipamentu sira tanba ne’e matematikamente ita hili GMN TV tanba ne’e husu ba publiku labele haree de’it ba tranmisaun sdireta ne’e maibé haree mos ba nia ekipamentu sira,” katak Belo.
Aleinde, kona-ba moderadór la’ós deside hodi fó de’it, maibé ida ne’e mai hosi mekanizmu ida liu hosi aprezenta naran mak hanesan, Elder da Costa, Maria aprezenta husi IRI, hosi TVE nia Roger no iha mós jornalista ida, naran hirak ne’e aprezenta mai hafoin CNE haree nia perfil, Maioria konsersia no sente katak, lor-loron akompañia hela media no hotu-hotu hanoin katak, Expedito iha méritu natoon atu modera debate ne’e.
Kontéudu debate ne’e la hanesan ho grande intervitsta, bainhira CNE iha sai moderadór, iha ona regulamentu ne’ebé kompletu katak sentru debate ne’e ba kandidatu sira no mderadór la halo pergunta ida mai hosi nia kakutak. Maibé pregunta sira ne’e preparadu hosi CNE.
CNE la’ós halo pergunta ne’e mesak maibé konvida mós instituisaun sira no ema pesoal sira ne’e iha priviléziu no matenek intelektual atu fó pergunta kada ema ida pergunta lima tanba ne’e pergunta hamutuk atus ida no hosi atus ida ne’e sei taes hosi ekipa CNE no propoen ruanotu ida ne’e mak sei uza ba debate ne’e, pergunta hirak ne’e sigilu laiha ema ida mak hatene, nein kandidatu sira no públiku no so bele fo sai iha tempu debate. Durante prosesu sira ne’e CNE halo tuir de’it lei ne’ebé mak iha.
José afirma, CNE hanesan orgaun independente, orgaun ida ne’ebé autonomia finanseira, katak iha kompeténsia tomak atu deside saida mak administrativamente la’o, CNE sei la simu presaun hosi partidu polítiku sira ka mai hosi kandidatu no sei la tolera ida ne’e, maibé atu hatán ba preokupasaun ne’ebé hato’o hosi reklamasaun sira.
CNE husu mós ba Timor-oan hotu atu fiar malu, tanba se la fiar malu no la fiar instituisaun ita atu sai siada tanba husu atu ema hotu fiar instituisaun no lei no kompeténsia ne’ebé iha.
Jornalista : Felisberto Fernandes
Editor : Agapito de Deus
