Lafaek News– kandidatu Prezidente Repúblika periodu 2022-2027, ho númeru sorteiu 16, Mariano Assanami Sabino Lopes, afirma ambisaun ba ukun hakarak  dezenvolvimentu tenke leno aan ba povu, la’os ba grupu ida mesak, repúblika katak espíritu povu nian no repúblika ba bem estar ba povu moris di’ak.

Prezidente Repúblika tenke garante instituisaun, orgaun soberania, lei hotu-hotu,   tenke leno aan ba republika, tenke leno aan ba moris diak povu, labele halo lei ba ninia grupu, ba ninia partidu, lebele diskuti orsamentu ba futuru eleisaun, ba futuru partidu, labele halo programa ohin foin sae seidauk tinan ida, hanoin fila-fali atu manan eleisaun, iha ona liman seidauk halo, hakarak manan eleisaun fali, ida ne’e maka ita sei muda,” katak Assanami iha Kampania eleitoral munisípiu Dili, kampu futebol Kulau, sábadu foin lalais ne’e.

Nia hateten, Prezidente Repúblika orienta diskute promove, polítika, estadista repúblikanu, tanba nasaun Repúblika la’os ona nasaun monárkia, la’os ona ditadura, la’os ona sentralizmu, maibé repúblikanu interese públiku maka tenki boot liu iha oin, tenke leno aan ba interese públiku, ne’e duni, konstituisaun demokrátiku katak rezisténsia povu maka nain ba ukun.https://lafaeknews.tl/assanami-orgullu-traballador-timor-oan-rai-liur-nuudar-as-wain/

Liu husi sira nia eleisaun, liu husi sira nia votasaun maka harii ukun ne’e iha para atu servi fila-fali ba sira, povu maka tenke sai sentru ba dezenvolvimentu, dezenvolvimentu hotu-hotu teneke leno aan ba povu laos leno aan ba grupu kikoan ida, ka ba sira ne’ebe iha ona kapasidade para hola kareta, ka ro aviaun, maibe liu-liu tenke fasilita hotu, ita hakarak repúblikanu hatuur ho didi’ak, bem star ba povu, maibé liu-liu mos joven sira, razaun fundamental ne’ebe ita kandidatu ita koñese didi’ak passadu, ta ne’e hau alerta ba prejudium juventude loriku as-wain ba mate restu sira hotu, katak ita koñese ita nia maun sira ita koñese, ita koñese sira nia problema, ita maka tenke halot, ita maka tenke hadia, labele hodi fali ba ita nia alin sira jerasaun sira ikus,’’ Assanami salienta iha nia komisíu polítika ne’e.

Hodi dehan, uluk Timor-oan sira kastigu, tutura laiha tauk atu hetan liberdade, hakilar dehan ukun rasik aan, liberdade demokrasia, direitus humanus ohin sira tenke goza duni saida maka Timor-oan sira hakilar, labele sira moos mai nafatin rona de’it maka diskute debate iha palku sira rona, maibe realidade laiha. 

Uluk ema la dignifika, laiha kampu servisu, laiha moris diak ita promete dehan ukun aan sei moris diak, ukun aan ema sei iha uma iha kareta, ukun aan ita nia illa ne’e sei furak liu Indonesia ohin ita seidauk hetan, ita iha responsabilidade ba ida ne’e, tanba ne’e hau husu ba materestu sira prejudium juventude loriku as-wain, dala ruma imi sei hamrik ho katuas sira maibe hau fiar, kee onia responsabilidade vota ona jerasaun foun para halot didiak ida ne’e,’’ kandidatu númeru sorteiru-16 ne’e hakotu.

Jornalista : Azelio da Cruz

Editor         : Agapito de Deus