Lafaek News-Comisaun Nasionál Eleisaun (CNE) alerta ba kandidatu hotu atu nafatin kumpre lei no regra sira kampaña eleitoral nian tanba durante kampaña hosi hahalok irregularidade balun halo sosiedade no CNE rasik preokupa.
Prezidente CNE José Agustino da Costa belo hato’o asuntu ne’e iha konferénsia Imprensa ne’ebé ko’alia kona ba balansu kampaña eleitoral iha sala konferénsia CNE Dili ohin loron 13/03/2022
Nia informa, durante kampaña enjeral la’o ho di’ak, maibé iha insidente ida akontese entre apoiante sira kandidatu numeru seis nian. iha insidente ne’e akontese tuda malu no rejulta ema ida mate. CNE hamutuk ho polísia lori kedan ba ospitál no ema sira ne’ebé involve iha insidente ne’e polísia kaptura ona no innvestigasaun la’o hela nune’e mós autopsia ba isin mate la’o ona.
Iha kampania ne’e CNE rejista mós, mesmu CNE ho kandidatu sira iha loron 28 liu ba asina ona paktu rituais sira no hetan konkordánsia hosi kandidatu sira hotu, maibé nafatin iha kampaña sei mosu insulta malu, sira la fokus ba programa no projesaun ba oin, maibé aproveita ataka malu no insulta malu, ne’e situsaun ida ne’ebé la eduka eleitór sira, sosiedade no CNE sente katak ida ne’e presija tau atensaun atu nune’e bele promove kultura edukasaun politiku no kultura respeitu malu ba eleitor sira.
Ami rejista pandidatu balun halo mudansa ba mini kampañia iha ultima ora foin mak deklara. Ida ne’e CNE preokupa tebes difikulta ba aprovasaun kalendariu no mobiliza seguransa no fornese supevisaun di’ak ba sira. Tanba ida CNE husu atu mantein nafatin regra ne’ebé estabelese ona,” dehan Prezidente CNE Jose Agustino da costa belo iha konferensia imprensa ne’ebé hala’o iha sala konferensia CNE Dili, segunda ne’e.
CNE mós deteta nafatin katak, partisipasaun labarik sira iha kampaña polítika nafatin eziste, CNE avizu ona atu ekipa kandidatu sira kontrola labarik sira labele partisipa kampañia maibé sira mai ho responsta katak, labarik sira ne’e laiha ema ida haree no labarik sira hela mesak iha uma tanba ne’e sira ho inisiativa mai no husu ba parte siguransa no CNE atu hapara maibé situasaun ne’e difisil no so bele hadia diak liu tan se eduksaun ne’e lao diak hodi eleva konprensaun diak mak sei bele resolve problema ne’e.
Jornalista : Felisberto Fernandes
Editor : Agapito de Deus
