Lafaek News– Segunda 14/03/2022, juventude husi suku Ailok postu administrativu Kristu-Rei, hamutuk 120, deside afilia husi CNRT ba FRETILIN hodi apoiu Francisco Guterres Lú Olo kontinua xefe estadu iha periodu 2022-2027.
Iha serimonia afiliasaun ne’e Sekretáriu Jerál partidu FRETILIN Marí Alkatiri hatoo Bem vindu (well come )no entrega kamizola ba Familia nain 120 husi partidu CNRT afilia ba Partidu FRTILIN husi aldeia Kulau laletek, Suku Ailok postu administrativu Kristu-Rei munisípiu Dili.
Atu konfirma tan dala ida, prosesu tomak FRETILIN hahu iha 2006, atu hametin no haburas alinsa husi povu, ne’ebé sei fo resulta agora, benvindu ba kamarada sira ne’ebé ohin tama ona ba ita nia knua uma lisan partidu FRETILIN nian”, dehan Sekretáriu Jeral partidu FRETILIN Marí Alkatiri hafoin hatoo nian entervensaun kampaña ba dala 14 iha kampu Futebol Becora 744 segunda (14/03/2022).
Iha fatin hanesan portavoz juventude Suku Ailok José Villa Nova de Araújo deklara, juventude Suku Ailok, aldeia Kulau laletek husi partidu CNRT hakarak fo votu ba kandidatu Lú Olo, tana nia ema ne’ebé mak hatoo lia-fuan di’ak, fuan ne’ebé mak boot tebes ba nia povu sira.https://lafaeknews.tl/mandatu-lu-olo-atauro-nakfilak-ba-munisipiu-re-eleitu-hatutan-dezenvolvimentu/
Ami husi juventude Suku Ailok, aldeia Kulau laletek husi partidu CNRT hakarak fo votu ba Kandidatu Lú Olo, tamba nia ema ne’ebé mak liafuan di’ak, fuan ne’ebé mak boot tebes ba nia povu sira”, hatete portavoz José Vila Nova de Arauju iha Kampu Futebol Kulau Bekora 744 seguunda ne’e.
Ohin simu kamizola FRETILIN nian na’n 24, maibe balun la partisipa tanba iha asuntu balun iha uma, total juventude ne’ebé mak afilia ba partidu FRETILIN na’in 120 iha suku Ailok aldeia Kulau laletek.
Observasaun iha kampaña Kandidatu númeru sorteiu 6 Francisco Guterres Lú Olo, hetan partisipasaun husi militantes no simpazitantes partidu FRETILIN, observasaun husi STAE, CNE, observador husi Nasionál no internasional sira, apoiu seguransa husi PNTL.
Jornalista : Rita Moniz
Editór : Agapito de Deus
