Lafaek news–Kandidatu prezidente periodu 2022-2027, ho númeru sorteiu 16, Mariano Assanami Sabino, hateten razaun hamriik iha palku polítika nia leten la’os atu kompete ho aman ba fundador estadu, tanba hakarak hamriik iha palku atu kompleta no hamriik atu kumpre maubisse 1 ho Maubisse 2 ne’ebé aman sira mak hahú.
Kandidatu númeru sorteiru 16 ne’e reafirma, bainhira simu kna’ar nu’udar prezidente repúblika sei promove polítika ne’ebe dignifika passadu fo esperansa ba futuru tempu ona hakotu konflitu hari’i Timor foun ba Timor oan tomak.
Tanba ne’e maka, ha’u nu’udar prezidente repúblika sei promove políitika ida ne’ebe, dinifika ba passadu fo esperansa ba futuru, ha’u hamrik nudar kandidatu ida ho razaun ida katak, tempu ona atu hakotu konflitu, hari’i Timor foun ba Timor oan tomak la merese joven milineal sira mate tan, joven milineal sira terus taan kesi kabun la han, kesi kabun tanba hahan laiha la merese ona”Assanami hatoo asuntu ne’e hafoin kampania, iha munisipiu Ainaru villa, sabadu 05/03/2022
Assanami esplika ba inan-aman sira iha Ainaru, razaun saida nia hamriik iha palku leten, razaun tanba primeiru nu’udar mate restu, la iha lia-fuan lae ba estadu ba nasaun, la iha liafuan lae atu fo kontinuasaun bertasaun ba povu.
Nu’udar, moos jerasaun ida ne’ebe hamutuk ho maun sira, lidera luta iha Indonesia hamutuk ho maun La Sama ne’ebe la iha ona ho sira seluk ne’ebe maka ohin sei moris hela, liu-liu maun Xanana, Maun Taur ,Maun Lere, maun Marí, sira hotu ne’ebé maka iha tempu passadu hamutuk para lidera funu ida ne’e, ohin hau hamrik atu fo kontinuidade ba sira nia hanoin, Sira nia prinsipiu, “Hau nia respeitu ba inan ama sira, ba Veteranus sira, padre madre sira, padre pendeta sira, ba Aman sira Partidu Fretelin, ba aman kompaneiru partidu CNRT sira, aman sira maun sira ba maluk sira, ba Partidu PUDD, Khunto, Plp, partidu historika UDT, Hau hakruk ba imi hotu, hau hamrik nudaar imi nia kandidatu hotu, hau hamrik nudar kandidatu povu nian, atu sai prezidente povu nian”
Assanami enkoraja ba maun fundador sira, atu nafatin konsistente, atu nafatin mantein, nafatinn iha komitmetu ba progresu, Maubesi 1,maubesi 2, tranzaksaun jerasional tranzaksaun lideransa, nu’udar jerasaun foun hamrik atu fo orguilu ba passadu lideransa sira hotu, maibé atu fo esperansa ba joven mileneal sira, ba juventude foinsa’e sira, ne’ebe maka tenke ba oin, ho servisu ho nia fatin ne’ebé dignu iha esperansa ba sira nia futuru.
Jornalista : Azelio da Cruz
Editor : Agapito de Deus
