Lafaek news –Defisiénsia fíziku, Catarina Tilman ho idade moris 61 hamonu matan-wen tanba kondisaun uma la di’ak ona no laiha osan atu hadi’ak fali ninia uma atu hela hakmatek.
Defisiénsia Catarina Tilman haktuir antes nia ama seidauk mate, nia hela ho nia inan ho nia maun, maibé iha tinan 2015, nia inan fila hikas ba mundu seluk, pasiénsia Catarina hela ba familia sira tanba kondisaun uma la di’ak ona.
Ha’u nia ama sei moris, ha’u hela ho hau nia ama ho maun, 2015 ha’u ama mate ne’e mak Ha’u mai hela ho familia sira ne’e uma ne’e agora maun mesak mak hela, ha’u nia maun mos agora moras Hela,” dehan defisiénsia ba lafaek news iha Aldeia Nato foin lalais ne’e.
Catarina presisa tebes uma hodi hela, atu nune’e familia sira tau matan ba nia,tanba familia ne’ebé mak hela ba iha oan no bei-oan barak.
’Ha’u presiza tebes imi nia tulun halo uma oan ida Mai ha’u atu ha’u bele hela ba hodi familia sira tau matan mai ha’u agora hau hela ho familia sira kuitadu ha’u mai preokupa los sira ne’e, sira atu hare’e ba sira nia oan barak nee ga atu hare’e Ha’u”, teknik Nia
Iha sorin seluk, Henny Penna nu’udar familia husi defisiénsia Catarina Tilman, haktuir Catarina hela iha uma, tanba defisiénsia (Xatarina) nia ama fila ona ba mundu seluk, nune’e nia decide hela ho família tanba kondisaun uma la di’ak.
Sim defisiensia ne’e mai hela ho ami kleur ona iha tinan 2015 sira nia uma rasik mak iha karaik ne’e ne’ebé agora nia maun mesak mak hela ba, hela ho ami mos ami hare’e nia diak, maibe ami mos iha oan barak dala ruma atu hare’e fahe tempu la too, maibe hanesan ohin nia dehan presisa imi nia tulun halo uma ida nia hodi nia hela,” Henny Penna fundamenta.
Observasaun Jornalista Lafaek News nota iha terenu nota defisiénsia Catarina nia uma ne’ebé ninia maun mesak hela ba, oras kondisaun la di’ak ona, kalen fruzen hotu ona no bainhira udan tau maka’as bee sulin tama uma laran sai tahu laran no toba la di’ak.
Jornalista :Domingas Viana
Editor :Agapito de Deus
