Lafaek News–Komunidade suku Metiaut Postu Administrativu Kristu-Rei munisipiu Dili, ohin 19/02/2022 fo sai deklarasaun ofisial apoiu kandidatu Prezidente Republika, Lere Anan Timur, sai Xefe Estadu iha períodu 2022-2027 hodi garante unidade nasionál.
Jeneral Lere Anan Timur, úniku Timor-oan ne’ebé hakarak hametin prinsipiu fundamental Timor Leste “Patria e Povu” tan nee ami suporta no fo ami nia votus ba kandidatu Jeneral Lere Anan Timur atu sai Prezidente RDTL hodi garantia unidade nasional,” dehan Porta voz komunidade Metiaut, Tito Antonio da Costa liu husi deklarasaun iha Metaut Dili,(19/02/2022).
Portavos komunidade Metiaut ne’e afirma, komunidade suku Metiaut hetan apoiu husi inan-aman veteranus, kaixas unidade ho kaixa união hamutuk apoiu kandidatu Lere Anan Timur sai prezidente repúblika.
Ohin loron ami hotu halibur iha fatin ida nee hakarak fo sai ami nia deklarasaun katak, ami voluntariu iha direitu prontu suporta no fo ami nia apoiu tomak ba ita nia aman Jeneral Lere Anan Timur ne’ebé avansa kandidatu aan ba prezidente RDTL Periodu 2022-2027,” Tito dejlara.
Tito esplika, razaun apoiu Kandidatu PR, Lere Anan Timur, tanba nia karakter moral no ema orijinal Timor-oan, no nia sempre tau aas konsiderasaun no valoriza Timor oan hotu nia dedikasaun ba nasaun ida ne’e.
Ami atu fiar ita nia aman Jeneral Lere Anan Timur tanba lider ne’ebé uniku servi povu hodi defende paz no unidade lori fila estabilidade ba ita nia rai Timor Leste, tan nee ami fiar katak ita nia aman Jeneral Lere Anan Timur, mak ita Timor oan hotu nia esperansa hodi marka diferensia,” Tito Hakotu.
Jornalista : Orlando Magno
Editor : Agapito de Deus
