Lafaek News--Kandidatura Prezidente Repúblika Períodu 2022-2027, Angela Freitas, husu povu tomak husi Oe-kusse too Lospalos no husi tasi-feto too tasi mane atu haree didi’aka kandidtura prezidente repúblika nain 17 eskolia ida ne’ebé matenek mak vota, labele votus arbiru ba kandidatu ne’ebé la komprende konstituisaun hodi sai autor fali ba krize polítika hodi haterus povu.
Importante tebes Ha’u povu tomak atu tetu halo didi’ak Kandidatura sira ne’e mòs hotu-hotu mesak Timor-oan iha kapasidade ga laiha kapasidade depende povu maka haree sira nia esersisiu ne’ebè ke durante ne’e sira presta iha sira nia servisu oinsá maka bele deside tuir sira nia hakarak no ita hotu moris tuir konstrusaun estadu ida ne’ebè mai ho figura foun pajina foun atu nune’e ita labele halerik ho mata-ween kada rinan lima,” dehan Angela Freitas ba Lafaek News, sesta (11/02/2022).
Angela husu dala ida tan ba povu tomak atu fihir didi’ak kandidatura nain 17 ne’e nia potensialidade, sira hotu mesak Timor-oan iha kapasidade ka laiha kapasidade povu maka tenke haree didi’ak.
Iha okaziaun ne’e kandidatu PR ne’e agradese ba povu tomak ne’ebe maka fò sira apoia ba nia kandidatura iha ikus mai konsege ba to’o rejistu Tribunal.
Ha’u fò agradesimentu ba povu tomak ne’ebe ke durante apoiu ho sira nia esforsu mas imposivel sira atinje duni nùmeru ida ne’ebé sufisiente maka ohin ekipa susesu konsege ba rejista Ha’u nia kandidatura iha tribunal, Angela Freitas akresenta.
Total apoiantes ne’ebé apoiu kandidata Angela Freitas rejista iha Tribunal Rekursu hamutuk rihun neen (600), maibé rihun 25 mak la konsege rejista tanba liu husi rekezitus tribunal.
Rejistu ne’e 6 mil Ital maibè apoiante ne’e 25 mil ami la lori ba rejistu hotu iha Tribunal tanba rejistu tuir rekezitus ne’ebe tribunal husu,” hakotu nia.
Jornalista : Joao da Costa Soares
Editor : Agapito de Deus
