Lafaek News–Prezidente Instituisaun Jestaun no Ekipamentus (IGE.IP) Ermenegilda da Costa Laurentina informa, tinan ne’e IGE.IP preve Orsamentu Jeral do Estadu (OJE) $1.5 miloens hodi sosa mákina pezadu foun hodi hadia estrada rural iha territoriu.

Tinan ne’e IGE.IP preve orsamentu $1.5 atu sosa makina pezadus foun no ba atividades diarius IGE.IP nian hanesan salariu vensimentu no bens de servisu $200 milhoes i tal,” dehan Presidente IGE.IP hafoin hasoru malu ho PM iha rezidensia PM Faról, Segunda (07/02/2022).

Nia akresenta, durante VIII governu nia ukun totál pedidu ne’ebé mak tama hamutuk 500 i tall, maibé IGE.IP finaliza ona atus rua (200) hela de’it (300), esforsu atu bele atinji tan pedidu balun ne’ebé tama ona sei kontinua halo servisu ne’ebé di’ak liu tan iha futuru.

Planu sira ne’ebé mak tinan ne’e halo tan liu-liu ita haree ba iha manutensaun ba mákina pezadus nian sosa makina pezadus ba iha IGE.IP atu bele apoiu ita nia servisu no mos kontinuasaun servisu apoiu ba ita nia komunidade sira liu-liu ba povu iha areas remotas nian hodi loke estrada foun,” informa Nia.

Nune’e progresu IGE.IP nian ba iha tinan kotuk mak iha servisu lubuk ida IGE.IP finaliza liu-liu haree ba estrada rurál sira, loke estrada foun, normaliza mota, ateru estrada no apoiu interministeriál relijioza no universidade sira.

Ne’e ita atinji ona ne’ebe mak iha katak IGE.IP halo ona poupansa ba iha tinan kotuk nian hamutu $7 milloes ba iha servisu sira ne’ebé mak durante ne’e ita nia atividades la’o”, dehan Prezidente IGE.IP.

Entretantu IGE.IP preve orsamentu $1.5 Miloes atu sosa ekipamentus pezadus hanesan, Eskavatór PC 200, Eskavatór PC 50, Eskavatór PC 55 no mos makina pezadus sira ne’ebé mak rota news atu halo estrada nasionál.

Jornalista : Juvita dos Santos

Editor           : Agapito de Deus