Lafaek News–Terus ho susar ne’ebé inan faluk Agustinha da Silva hasoru loro-loron, dada atensaun ema sidadaun Indonezia sira ne’ebé hela besik malu ho kbiit laek ne’e, ajuda inan faluk ne’e ho osan rahun hodi sosa foos lata ida ka rua sustenta kabun loron ida too kalan.
Inan faluk Agustinha da Silva ho idade 63, hela iha suku kampu baru, postu administrativu Dom Aleixo, munisipiu Dili, moris susar iha nesesidade loro-loron ba inan faluk ne’e, tanba nia kondisaun liman la funsiona atu halo servisu ruma hodi hetan osan rahun uituan atu sosa netik foos hodi tein han.
Inan faluk Agustinha da Silva konta nia istoria moris katak antes ne’e nia sei servisu hanesan dasa rai hodi sustenta ba ninia nesesidade loro-loron, maibé hafoin nia monu tiha liman tohar dasa rai la di’ak ona, nune’e nia deside tenke para servisu.
Inan faluk Agustinha da Silva nia laen mate iha tinan 2019, husik hela nia ho oan nain lima, entre sira nain lima ne’e forma hotu ona familia no agora da-daun faluk Agustinha hela ho nia oan mane iha Kampun Baru
Ha’u halo servisu hanesan dasa rai no halo limpeza iha SAMES tinan ida nia laran hodi sustenta, ha’u nia moris loro-loron nian, ne’ebe ha’u monu tiha, ha’u nia liman karuk ne’e tohar ne’ebé, Ha’u para servisu too agora,” dehan Agustina ba lafaek news iha kampun Alor foin lalais ne’e
Oras ne’e, faluk Agustinha iha de’it uma, la halo servisu uma, tanba kondisaun liman ne’ebé tohar hasusar tebes nia atu halo servisu buka netik foos lata ida ka rua ba kabun nian, dala ruma kesin kabun, dala ruma hetan atensaun husi ema sidadaun balun husi Indonézia ne’ebé hela besik malu ho nia.
Agora ha’u iha de’it ona uma, tanba liman ne’ebe la halo buat ida ona, uluk liman sei di’ak ba dasa rai halo netik servisu oan hodi hetan netik osan, maibé agora susar tebes,” faluk relata.
Iha fatin hanesan, Carolina de Jesus, nu’udar kaben husi oan mane faluk Agustinha da Silva, haktuir uluk inan faluk ne’e sei servisu dasa rai iha SAMES hetan osan netik hodi sosa foos ba haan loro-loron, agora la servisu ona iha SAMES, tanba monu liman tohar dasa rai la di’ak nune’e hapara servisu iha uma de’it.
Agora ha’u nia banin feto ne’e la servisu ona, agora dala ruma loron tomak too kalan la han, sorte di’ak ruma ema bapa sira husi Indonezia mak ajuda ha’u nia banin fo osan hodi sustenta moris loron ida ka rua,’ Inan faluk ne’e laiha servisu no oan sira mos laiha servisu uluk ne’e nia dasa rai mak hetan osan,maibé agora lae ona, osan laiha dala ruma ema bapa sira mak hanoin ferik ne’e fo osan Hodi sosa foos tein netik ba loron ida ka rua,’’hakotu
Jornalista : Domingas Viana
Editora : Agapito de Deus
