Lafaek News–USAID konvida parseiru sira halo diskusaun kona-ba Planu Dezenvolvimentu Portu Dili hodi dezenvolve sai hanesan sentru turístiku no komérsiu hodi atrai turista internasional mai vizita Timor-Leste, iha fulan Outobro 2022 depois portu Tibar funsiona normal.
Asesor asuntu investimentu koñesidu ho Turizmu ba ema hotu USAID, José Qintas hateten, planu dezenvolvimentu Portu Dili iha hela prosesu viabilidade, tanba ne’e investimentu ida importante tebes ba setór turizmu.
Ita hotu hatene katak portu Dili ne’e, molok seidauk Covid ró kruzidu kontinua mai, sira iha demanda boot tebe-tebes hakarak vizita Timor maibé enfraestrutura bázika mak la permite, entaun desizaun ne’ebé agora governu foti ne’e importante tebes ba futuru dezenvolvimentu turizmu iha Timor-Leste,” dehan Asesor investimentu Turizmu ba ema hotu USAID José Qintas iha Portu Dili, sesta (04/02/2022).
Nia informa, redezenvove fila-fali Portu Dili hetan apoiu husi povu Amerikanu, espera katak iha tinan ida ne’e bele kompleta no hamosu dezeñu ba enfraestrutura sira Ne’e maibé projetu ne’e sei servisu hamutuk ho governu tanba Ministériu Transporte no Komunikasaun mak sei nain ba projeitu ida ne’e.
Ita espera governu kontinua servisu makaas ho nia parseiru dezenvolvimentu para oinsa kontinua realiza mehi ne’ebé mak governu deside ona,” informa José Qintas.
Enkuantu orsamentu ba opsaun primeiru bolu premiun mak montante por volta 71 to’o 100 milloes, opsaun segundu bolu standar nia kapital pro volta 45 milloens to’o 70, tuir planu husi governu katak fulan outubru 2022 Portu Dili sei nia funsaun sei muda ba Portu Tibar.
Iha diskusaun ne’e partisipa husi, Ministériu Transporte no Komunikasaun (MTK), Ministériu Turizmu Komersiu no Industria (MTKI), Ministériu Koordenadór Asuntus Ekonomikus (MKAE), Ajénsia Dezenvolvimentu Nasionál (ADN), Eletrisidade Timor-Leste (EDTL), Bee Timor-Leste (BTL), SERVE, Ministériu Obras Públikas (MOP), Diresaun Nasionál Transportes Terestres (DNTT), APORTIL, ANAS no seluk tan.
Jornalista : Juvita dos Santos
Editor : Agapito de Deus
