Lafaek News–Administrador Munisípiu Lautem, bandu kareta (bus) tula pasajeiru Dili Lospalos la’o iha tempu kalan atu evita asidente hodi asegura pasajeiru sira seguru.
Relasiona ho bus Lospalos Dili inklui kareta anguna ida baku-fila iha semana ne’e nia laran hafoin viajen husi Lospalos ba Dili, autoridade Munisípiu Lautém reforsa tan sirkular hasai ona iha tinan 2021 nian, hodi bandu bus husi Lospalos-Dili la’o kalan tanba fo perigu ba vida pasajerus sira.
Kondutor sira iha direitu atu asegura sira nia moris ho pasajerus sira nia moris tanba ne’e, ha’u sei fo orientasaun ba bus sira para halai loron, agora bus halai kalan ne’e mak rejultadu bus ida baku fila ona iha subaun anguna ida baku-fila iha Bukoli Baukau ema ida ou rua mate ona iha ospitál, ida ne’e ita tenke tau atensaun hodi orientál bus sira halai iha tempu loron, dehan Administrador munisípiu Lautem foin lalais ne’e.
Sorin seluk diretur servisu Diresaun Transporte Terrestre munisípiu Lautem, Edy Coreia Lemos, reforsa iha tinan kontuk despaixu administradór nian tun ona iha loron 19, fulan fevereiru 2021 ho surtu ne’ebé mak Timor Leste infrenta, administradór hatun orientasaun mai iha diresaun munisípiu hodi orientál bus sira halo sirkulasaun iha tempu loron.
Iha 23 fevereiru 2021 Dirasaun hasai ona karta bajeia ba kodikubestrada artigu 4 kona ba orden autoridades sira nian, bajeia ba orientasaun administrasaun nian, ami hasai ona orientasaun atu bus sira lable sirkular iha tempu kalan maibé husi sira kontinua la’o kalan,tanba ne’e iha sansaun ba bus sira ne’ebé halai iha tempu kalan maka sei hetan multa tuir kodigu estrada $9- $45,’’ Edy fundamenta.
Jornalista : CE. Lautem
Editor : Agapito de Deus
