Lafaek News–Diresaun Nasionál Meterolojia no Geofízika DNMG informa ba populasaun tomak iha territoriu nasional Timor Leste, liu-liu populasaun parte kosta sul ne’ebé hela iha foho lolon, katak posibilidade mosu udan ho intensidade moderadu too forte akompania ho anin boot entre loron Kuarta-Kinta (05/01/2022), iha oras lorokarik too kalan.
DNMG fo atensaun espesial makas ba munisipiu hanesan, Ainaru, Aileu, Bobonaru, Baukau, Covalima, Manatutu, Vikeke, Lautem ho Oe-kusse, no antensaun mos ba Dili ho Ermera posibilidade ai-tohar no mota sei tuun ho korente as.
Husu ba populasaun sira hotu iha territoriu nasional katak bainhira udan ho intensidade boot tenke hadook an husi fatin hirak ne’ebé risku liu-liu mota ninin, foho lolon no rai-hun buka fatin seguru hodi proteze an.
DNMG Husu ba populasaun sira bainhira mosu kazu emerjénsia ruma ka halo evakuasaun, mantein kalma hodi evita pániku no halo tuir orientasaun sira hanesan autoridade lokal no protesaun sivil.
Jornalista : Agapito de Deus
Editor : Felisberto Fernandes
