Lafaek News–Relasiona ho rai nakodo horikalan iha tuku tolu dadersan iha Timor laran tomak estraga rezulta rai hektares 400 nakfera etsraga komundade nia platasaun no hela fatin.
Akontesimentu ne’e mosu iha suku Badoho Postu adminitrativu Venilale, munisípiu Baukau, hafoin rai nakdoko ho magnitude 7.1 kobre territoriu nasional Timor Leste.
Xefe suku Badoho’o Marcos Antonia Ximenes,informa ba Lafaek News liu husi telefone katak, rai nakdoko horikalan estraga komunidade nia plantasaun natar no to’os hamutuk hektares 400 resin, provizórimente uma kain 16 sei evakua sai husi fatin refere, tanba rai nakfera to uma tatis no balun to’o uma laran.
Provizoriu uma Komunidade ne’ebe rai nakfera tiha to uma tatis no balun to uma laran hamutuk uma kain 16 no sei halo evakuasaun ba fatin seluk agora da-daun ami halo hela negosiasaun ho komunidade, no plantasaun natar ho tos provizóriu hektraes 400 mak rai fera” esplika xefe suku Baduho’o Marcos Antonio Ximenes ba lafaek News liu husi via telefonika, kinta, (30/12/2021).
Xefe suku esplika tan, fasilidade públiku ne’ebé hetan estragus maka air-rin eletrisidade 4 no tanke be’e mos 4.
Tanke be hamutuk 4 airin eletrisidade ha’at mos hetan estragus”
Dader tuku lima ba ne’e komunidade fo hatene hau, hau konsege ba haree los duni akontese ha’u fo hatene ba administrador, adminitradór mos to’o mai hare hotu ona no agora halo hela verifikasaun iha terenu.
Agora da-daun autoridade kompotente kompostu husi administrador no suku, ekipa Ministériu Solidaridade sosial, jestaun risku dezastre Natural no Krus-Vermella de Timor Leste (CVTL) halo hela verifikasaun no levantamentu dadus ba plantasaun no fasilidade estadu iha fatin dezastre postu administrativu Venilala munisipiu Baukau.
Jornalista : Acacio Pinto
Editor : Agapito de Deus
