LafaekNews-Ohin 10/12/2021, Ró Ferry Berlin Ramelau atraka ona iha portu Dili iha oras tuku 10:00, Prezensa Ró ne’e iha portu Dili, simu direta matak malirin husi uma lisan karketu mota ain, hodi hala’o operasaun iha Timor-Leste, maibé molok halo operasaun iha Natál no Tinan foun kompañia DAMEN ho APORTIL, sei halo inspesaun ba kondisaun ró refere.
Tuir Prezidente Autoriedade Portuariu Timor-Leste, (APORTIL), Flavio Cardoso Neves, hateten,ohin Berlin Ramelau atraka ona iha Dili, maibé antes ro ne’e halo operasaun sei halo inspesaun ba kondisaun ro ne’e bazea badezeñu no inspesaun sei halo husi Unidade hotu sei involve iha Portu Dili
“Inspesaun konjunta sei halo husi Kompañia Damen ne’ebé halo produsaun ba Ro ne’e nomos sei konsulta ho APORTIL inkluí parseiro seluk,” dehan Prezidente Aportil Flavio Cardoso Neves hatete Jornalista sira hafoin Ro Berlin Ramelau atraka iha Portu Dili, 10/12/2021.
Ró Ferry Berlin Ramelau ne’e rasik nia todan 3400 bele tula pasajeiru to’o Hamutuk 350 no kareta bele tula to’o 15, ro ne’e ho nia medida metru 16 no naruk 67.30, metrus, sei konduz husi tripulante Timor oan hamutuk 14 inkluí estranjeiru na’in 4.
Obsevasaun Jornalista Lafaek news nota, ro Berlin Ramelau atraka iha Dili, prezensa husi Prezidente APORTIL lian na’in Karketu mota-ain seguransa no desinfekta husi parte saúde.
Jornalista :Acacio Pinto
Asisten editór: Egidio Nono
