LafaekNews-Prezidente Autoriedade Portuariu Timor-Leste, (APORTIL), Flavio Cardoso Neves, informa, Ferry Berlin Ramelau ne’ebé halo operasaun iha Timor-Leste sei garante Assesivel ba ema ho Defisiénsia.
“Dezeñu ro Ferry (Berlin Ramelau) ne’e Fatin ba ema ho Defisiénsia mós iha tanba diferente ho Berlin Nakroma la iha dezeñu fatin ba ema ho Defisiénsia no Ida tan fatin hodi tau ema mate iha laran mós iha,” Eplika Prezidente APORTIL, ba Jornalista sira, iha Portu Dili,09/12/2021.
Enkuantu ferry Berlin Ramelau ohin atraka iha Portu Dili iha oras tuku 10:00 simu direta matak malirin ho kultura husi lisan Karketu mota ain,Ró ne’e rasik todan 3400, nomos bele tula pasajeiru to’o pasajeirus Hamutuk 350 no kareta bele tula to’o 15, ro ne’e ho nia medida metru 16 no naruk 67.30, metrus, sei konduz husi tripulante Timor oan hamutuk 14 inkluí estranjeiru na’in 4.
Molok halo operasaun iha Timor-Leste, sei halo inspesaun husi husi kompania DAMEN ne’ebe produz ro refere, no sei halo inaugurasaun ba ro ne’e iha segunda-feira semana oin.
Jornalista: Acacio Pinto
Asisten editór: Egidio Nono
