LafaekNews-Governu liu husi Ministériu Edukasaun Juventude no Desportu (MEJD) ho Ministériu Administrasaun Estatal (MAE), hala’o Lansamentu kona-ba Programa Literasia Analfabetizasaun, hodi luta kombate númeru analfetizasaun iha Timor-Leste.
Ministru Edukasaun Juventude no Desportu (MEJD), Armindo Maia, hateten, objetivu husi lansamentu ne’e, oinsá maka bele kombate funu hasoru analfabetisimu, lahatene lee no hakerek, problema ida-ne’e kontinua nafatin problema boot.
“Ohin serimonia simples ida kona-ba edukasaun oinsá maka ita bele kombate funu hasoru analfabetisimu, karik imi sira hatene bahasa indonézia karik (buta huruf), la hatene hakerek, problema ida-ne’e kontinua nafatin problema boot tuir peskiza UNESCO iha 2018, katak persentajen ita nia ema sira ne’ebé joven ho adultu seidauk hatene lee no hakerek hamutuk 31.93% Poulasaun, idade 15 ba leten, husi totál populasaun 1.268.000, iha Timor-Leste maka sei iliteradu, signifika iha kuaze 404.872 ema maka la hatene lee no hakerek,” dehan MEJD, iha salaun konferénsia (MEJD) Segunda-feira, 06/12/2021.
Govrnante ne’e Relata, ita presija fo liman ba malu Ajénsia guvernamental sira, Ajénsia internasionais, ho nasional sira seluk atu nune’e, ita bele kombate tanba ita iha PDN ho ODS, 2030, ita hakarak 0%, husi ema ne’ebe unliterasia,
Iha fatin hanesan, Ministru Administrasaun Estatal (MAE), Miguel Pereira de Carvalho, hateten, lansamentu ne’e hamutuk ho MEJD, ministériu sira seluk no parseiru dezenvolvimentu sira iha kampañia ida para atu halo, era rikasaun ba analfabetisimu ba ita nia rai
“Iha ne’e papél Ministériu MAE, nian para atu koordena hodi garante para administrasaun munisipál no autoridade munisipal sira simu ona kompeténsia hodi halo jestaun ba programa, analfabetismu iha munisipíu sira kompeténsia Sira ne’ebé mai husi dekretu-Lei numeru 3/2016 ne’ebé maka aprova husi estatutu Administrasaun munisipál no autoridade munisipál sira” esplika MAE, Miguel Pereira de Carvalho.
Governante hatutan, kompeténsia ida ne’ebé maka propriu MEJD, iha tinan tolu haat ba kotuk diskonsentra ona programa ida ne’ebe ba iha munisipíu sira, tinan tinan munisipíu sira tau iha orsamentu ba programa irarikasaun analfabetisimu iha Timor-Leste, no tinan 2022, 12 munisipíu aloka orsamentu hutuk $300 mill ital, para atu bele halo atividade sira kontrata formadór sira iha suku, iha postu, para atu realiza programa ida ne’e.
Miguel, Informa, Ministériu Administrasaun Estatal (MAE) nia Papél iha ne’e, mai para kordena ho MEJD, para garante katak kompeténsia sira ne’ebé MEJD deskinsentra ona ba Administrasaun Munisipál sira, no Autoridade Munisipál ih área ida programa Analfabetisimu ne’e, bele implememta ho didi’ak iha 12 Munisipíu nomos iha Atauru.
Jornalista : Azelio da Cruz
Asisten Editór: Egidio Nono
