LafaekNews- Forum Organizasaun Naun Govrnamental Timor-Leste(FONGTIL) hala’o lansamentu ba programa PODCAST live ho plataforma youtube hodi públika rezultadu auditoriu sosial, nomos observasaun inkluí hanesan dalan ba advokásia governante sira.
,Diretur Ezekutivu, FONGTIL, Daniel Santos Do carmo, informa, objetivu husi lansamentu PODCAST ne’e hodi públika rezultadu auditoria sosial, no hodi promove sosiedade ida ne’ebé moris ho ballansu, igualidade jeñeru,
“Ita halo lansamentu ne’e ho objetivu atu bele fahe informasaun ne’ebé máka fo sai husi ami kona-ba sistema monitorizasaun no observasaun nomos bele sai dalan ida ba advokásia governante sira no hodi promove sosiedade ida ne’ebé moris ho ballansu, igualidade jeñeru, inkluí justisa sosial,”hateten Diretor ezekutivu, FONGTIL, Daniel Santos do carmo, iha seremonia lansamentu iha salaun FONGTIL kaikoli,Dili,segunda-feira(06/12/2021).
Nia relata, ho razaun lubuk ne’ebé máka FONGTIL hakarak hala’o lansamentu PODCAST live ne’e ba públiku ho nune’e mos iha mundu dijitalizasaun kuaze barak mak uza ona media sosial hodi asesu infromasaun sira liu husi facebook,whatshap,twiter no seluk seluk tan nebe’e sai nu’udar modernu dijitalizasaun.
“Tamba ita hare agora mundu dijitalizasaun ema barak maka uza internet no media sosial sira maibé ida-ne’e hanesan meius dialogu ida ba ita atu hato’o imformasaun ba públiku inkluí mos ita loke ba públiku atu bele mai hato’o informasaun no la taka ba ema hotu, tamba media sosial sai populár ba ema hotu iha ohin loron,” hatutan nia.
Diretur FONGTIL ne’e akresenta, inisiativa ida-ne’e hanesan apoiu ba kampañaa violensia kontra feto no labarik no promove sosiedade ida ballansu no igualidade jeñeru nomos justiça sosial no hodi hare ba partisipasaun feto iha desenvolvimentu nasional maibé hare mos ba situasaun atual ne’ebé iha ita nia nasaun hasoru hodi bele kanaliza liu husi PODCAST live ne’e
Ida-ne’e hanesan media ne’ebé kontribui ba asuntu advokásia atu nune’e kanaliza informasaun to’o ba área remotas sira no aktividade estudiu ida-ne’e inspirador husi advokásia transformasaun jeneru, esplika Daniel.
Enkuantu totál orsamentu ne’ebé m’aka gasta ba estudiu PODCAST ne’e hamutuk dollares amerikano rihun tolu atus lima ($.3500) no orsamentu ne’e husi Uniaun Europeia ho programa SPOTLIGHT no AJAR Timor-Leste ne’ebé sai hanesan konsórsiu ba fundu orsamental ne’e.
Jornalista :Manuel Andrade
Asisten Editór :Egidio Nono
