Lafaek News–Institutu Superior Cristal (ISC), realiza Misa solenidade hodi selebra Aniversariu ISC ba dala 20, aniversariu Mahein Instituição Educativa Cristal – Fundasaun Criatal (IEC-FC) nian ba dala 37 no mos misa ba Saudozu Eis Prezidente FC Matebian Frederico Almeida da Costa.
Ohin Institutu Superior Cristal (ISC), halo tinan ba dala 20 lolos iha dia 5 novembru, tanba nia moris iha loron 5/11/2001 maibe ohin loron nee padroeiru Kristu nai liu rai hanesan mahein IEC – FC tanba nee mak ami halo atividade tolu ne dala ida deit,” dehan Reitor ISC Sebastião Pereira ba Jornalista Iha Kristu Rei Dili, Domingu 21/11/2021.
Durante nee ISC mos halao ona ninia mandatu tanba nia eziste Basiarelatu too lisensiatura no mos polo sira iha munisipiu ne’ebé hetan lisensiamentu operasional husi Ministériu Ensinu Superior Siensia Kultura (MESSK), liu husi asesmentu no akreditasaun.
ISC Mos produs ona ema lubuk mak sai funsionáriu públiku, Ministru, sekretariu estadu no seluk tan tanba maioria ema remata iha Fundasaun Kristal ne’e agora moris Diak,” Sebastião esplika.
Nunee mos nia hatoo agradese no apresia ba padre Selebrante, Padre Kapeleaun Kristal Manuel Pinto SDB ne’ebé dirize misa ohin loron no mos apresia ba Komisaun organizadora ne’ebé prepara ona fatin hodi realiza misa ho susesu.
Iha fatin hanesan Prezidente Fundasaun Kristal Agostinho afirma, Nia parte sente triste tanba fasilidades hanesan meja no kadeiras laiha atu fasilita ema tuir hodi tuir misa selebrasaun Fundasaun Kristal ba 20, ne’ebe realiza iha Fatukama Kristu Rei, tanba ne’e Fundasaun Kristal sei arranja Mesa no kadeira hodi rai iha fatin referee.
Ha’u haree iha misa ne’e estudante balu tur de’it iha rai no mos balun hamrik iha loro laran entaun ita planu tinan oin sei prepara tenda ho kadeira rai permante nunee bainhira selebra misa iha nee ita la bele tur no habai aan iha loro laran,“ dehan Prezidente Ezekutivu FC Agostino liu husi nia lia menon ikus hafoin remata misa, iha Kristu Rei Dili.
Observasaun Jornalista nian iha terenu Nota katak, iha misa asaun de grasa nee hetan partisipa máximu husi membru governu balun, fundadores ISC, Alumi Estudante ISC, Korpu Dosentes no funsionasiu ISC inklui eatudante sira ne’ebé dadaun ne’e hala’o hela estudu iha ISC.
Jornalista :Orlando Magno
Editór : Agapito de Deus
