Lafaek News– Vítima inundasaun, Antonio Francisco Almeida ho nia kaben Inacia Freitas deside hela iha Eskola EBF 12 de outubro Tasi-Tolu, hodi hein material konstrusaun husi edukasaun iha ne’ebé Ministru Edukasaun Armindo Maia mak promete liu husi telefone ba vítima.
Antonio Francisco Almeida hanesan seguransa iha eskola EBF 12 de outubro, Tasi-Tolu hateten nia maluk sira sai hotu ona hodi fila-fali ona ba ida-idak nia hela fatin, maibé nia (Antonio) ho nia kaben ( Inacia) deside hela nafatin iha eskola refere.
Ha’u nia maluk sira iha nee fila hotu no ba hela iha kost hela. Ha’u nia Kaben ho ha’u Nia oan mak sei hela iha eskola EBF 12 de Outubro too Agora, Tan ne’e Ha’u husu ba edukasaun atu ajuda lalais material konstrusaun ,”Antonio ba Jornalista lafaek news iha eskola E.B.F 12 de Outubro foin lalais ne’e.
Nia hatutan Tan husi Ministru Edukasaun Armindo Maia mak dehan atu ajuda sosa material konstrusaun atu halo fila-fali ba nia (Antonio), maibé to’o agora material konstrusaun seidauk sosa.
Ha’u hanesan seguransa iha eskola E.B.F 12 de outubro nian ne’ebe material konstrusaun nee husi edukasaun Sr. Armindo Maia Mak dehan ajuda Hau atu Sosa material konstrusaun atu halo Hau nia Uma Mak to’o Agora seidauk Sosa material konstrusaun ,” dehan Nia
Antonio ho nia kaben ho oan hela iha eskola refere durasaun tempu fulan ulau ona, no hela fatin laiha seguru bainhira udan be’e tama toba fatin no dapur laran nakonu ho bee.
Ha’u hela iha fatin ne’e ladun seguru tanba bainhira udan be’e tama de’it ba uma laran, horbainrua husi edukasaun Armindo Maia telefone dehan horseik no ohin mak atu lori material konstrusaun mai atu halo ha’u nia uma, maibé to’o agora ha’u hein la mosu de’it mai ne’e,” Antonio hakotu.
Jornalista : Domingas Viana
Editor : Agapito de Deus
