LafaekNews- Ministériu Edukasaun Juventude no desportu(MEJD), asina kontratu ho organizasaun defisiénsia hamutuk neen(6) hodi apoia kona-ba setór edukasaun nian ba ema ho defisiénsia iha Timor_Leste, tanba iha lema edukasaun katak sei la husi ema iha kotuk.
Ministru Edukasaun Juventude no desportu, Armindo Maia, hateten, Apoiu ba ema ho defisiénsia ne’e la’os karidade maibé direitu ida ba edukasaun ne’ebé konsagra iha ita nia konstrusaun edukasaun nu’udar direitu universal nune’e mós refere ba inkluzaun katak sira la husik ema ida ba kotuk.
“Apoiu ba ema ho defisiénsia ne’e la’os karidade maibé direitu ida ba edukasaun ne’ebé konsagra iha ita nia konstrusaun edukasaun nu’udar direitu universal nune’e mós refere ba inkluzaun katak sira la husik ema ida ba kotuk, ida-ne’e maka orienta kaer hotu prinsipíu orienta ita hotu husi guvernu mai to’o parseiru sira seluk atu nune’e bele interven ativamente bele promove direitu ba ema ho defisiensia,”dehan (MEJD) Armindo Maia, iha Salaun konferensia MEJD, Tersa (16/11/2021).
Armindo hatutan, Asina kontratu entre ministeriu Edukasaun Juventude no Desportu (MEJD), ne’eho Organizasaun ba ema ho deifisiente Timor-Leste,ne’e ho organizasaun 6, ne’ebe ke Apoiu ba ema ho defisiensia organizasaun maka hanesan AHDMTL, KDT-TL, FUAN NABILAN, ALMA SISTER, MADRE BURUMA no AGAPE, totál kontratu osan ne’ebé ke involve iha ne’e totál 25 milões, ba organizasaun 6, kada organizasaun sei ketan 4 Mill ital.
Governante ne’e relata,edukasaun inkluziva ne’e sai mós programa ida MEJD ninian atu tau matan ba ema ne’ebé la difisiensia nune’e mos ema ne’ebe ho defisiensia, nu’udar direitu ida universal direitu edukasaun ho konstituisaun RDTL nune’e mós kompromisiu katak ita sei la husik ema ida iha kotuk, no Planu MEJD aloka osan mentu ba eskola inkluziva ba 2022 nian, orsamentu 50 mill dolares sei prosesu hela husi konsellu ministru hato’o ona ba Parlamentu Nasionál.
Iha fatin hanesan, Diretór Ezekutivo Assosiasaun Halibur Defisiénsia Matan Timor-Leste (AHDMTL), Gaspar Afonso, hateten, orgullu tebes servisu hamutuk ho ministériu edukasaun juventude no desportu (MEJD), Primeira-vez asina akordu ida-ne’e ita la hare ba montante kiik ka boot maibé oinsá organizasaun nia knaar atu servi ema ho defisiénsia sira.
“Orgullu tebes servisu hamutuk ho ministériu edukasaun juventude no desportu (MEJD), Primeira-vez asina akordu ida-ne’e ita la hare ba montante kiik ka boot maibé oinsá organizasaun nia knaar atu servi ema ho defisiénsia sira,Ita Iha konstrusaun RDTL artigu 59, aliña 1/4 ema hotu-hotu iha direitu atu asesesu edukasaun no kultura, antaun komesa meius sira hanesan ne’e dadaun ne’e ami luta hela oinsá ema ho defisiénsia sira bele nasesu edukasaun, liu liu ema defisiénsia matan ho defisiensia komunikasaun sira lian jestuariu, ”dehan Gaspar.
Totál ema ho defisiensia hamutuk 38.118 ne’ebe maka husi sensus ne’e rasik iha 25.789 maka sei iha hela analfabetijasaun nia laran
Jornalista : Azelio da Cruz
Asisten Editór: Egidio Nono
