Lafaek News—Ministro Ensinu Superior Siensia no Kultura (MESSK) Longuinhos dos Santos, imforma, hala’o asinatura akordu pagamentu ho instituisaun ensinu superior públiku no privadu sira hodi implementa izensaun pagamentu ba semester daruak.
Governante ne’e esplika, provizorimente ekipa halo ona verifikasaun relatoriu ba izensaun pagamentu propinas ba semester impar maka univesidade tantu públiku no privadu hamutuk 16, hela instituisaun rua Univesidade Nasional Timor Lorosa’e (UNTL) ho Institute Of Busines (IOB) maka sei hadia tanba iha kestaun tekniku ne’ebé presija atu kompleta.
“Ita hare’e ba sistema prosesu MF, ita hatene katak fim de anu fulan dezembru ne’e sistema taka, entaun ita hare ba kestaun ida ne’e, universidade ne’ebé maka entrega ona sira nia proposta ba iha MESSK no ekipa verifika hotu ona hamutuk 16, ita hein para atu asina hotu depois enkamina ba ona ministériu Finansas,” dehan MESSK Longuinhos dos Santos ba jornalista sira hafoin asina akordu iha salaun komferensia MESSK, tersa, (16/11/2021).
Nia dehan, benefisiariu ne’ebé governu verifika bazeia ba instituisaun 16 maka hamutuk 34.307, entaun orsanmentu ne’ebé prepara ne’e U$ 4 milloes ne’e seidauk inklui instituisaun rua ne’ebé maka temi katak sira sei iha fase ne’ebé hadia hela hanesan UNTL No mos IOB .
“Ezatamente ami sempre ejiji hela sira nune’e proposta ne’ebé inkamina labele too iha fulan dezembru tanba sistema finansas 17 dezembro hanesan ne’e taka ona entaun labele too iha ne’eba, entaun Ita eziste nafatin para sira relata relatorio proposta ne’e ba iha misnisteriu para inkamina ba iha ministériu finansas,” nia imforma.
Jornaslita : Crisencia Ferreira
Asisten Editor: Pedro de Almeida
