Lafaek News–Instituisaun Superior Kristal (ISC) Polo Baukau entrega Padroeiru são joão paulo II no mos estatua Maria ausiliadora, ba Fundasaun kristal, atu akumula sarani sira kompostu estudante no komunidade Komunidade halo adorasaun.
Durante semana ida ita sei halo adorasaun ba Kristu liurai illas são joão paulo II no mos estatua Maria auxiliadora, tan ne’e ita sei komvida komunidade no eskola sekundariu sira atu mai halo adorasaun karik sira la mai ita nafatin kontinua halo adorasaun hodi hatoo ida idak nia problema ba ita nia padrueiru,” dehan Prezidente Fundasaun Cristal Agostinho ba Jornalista iha Kristal Balide dili, Sabadu 13/11/2021.
Agostinho relata, durante fulan rua ona Ilhas Kristu Liu-rai halo vizita ba munisipiu hotu iha Timor Leste.
Ita ba iha parte osidental Maliana, Suai, Aileu, no Same, iha fali parte leste ita ba iha Vikeke no Baukau tanba tuir planu 2021, Saun João Paulo II nudar mahein sei vizita Timor tomak, tan nee ha’u fo hatene ona antigos alunos Crisital atu kria kondisaun atu lori padrueiru sira ba vizita munisipiu 13 inklui postu administrativu Atauru,” nia esplika.
Iha Fatin hanesan Vise Koordenador ISC Polo Baukau Marçal Vitor Soares relata, padrueiru ne’e hanesan Institutu Superior Cristal nian, entaun sira presiza atu halo programa lori estatua no ilhas João Paulo II la’o nafatin nune’e bele hasae espiritu nakonu ho moral.
Ami simu estatua ho illas ne’e husi eskola tékniku vokasional Cristal munisípiu Vikeke, maibé antes ne’e estatua Maria Auxiliadora ho illas João Paulo II vizita ona Fatin Aileu, Manufahi, Maliana no Covalima,” Marçal afirma.
Josnalista :Orlando Magno
Editor : Agapito de Deus
