Bobonaru-Lafaek News)—Natureza (anin) sobu Eskola Báziku Fili ál (EBF), Guelocae aldeia Dai-Tete suku Ritabou postu administrativu Maliana Villa munisípiu Bobonaru, impede prosesu aprendizajen ba labarik sira labele eskola ho hakmatek.
Diretór Edukasaun Muniaipal Bobonaru, Crispin Lopes Monis, informa hafoin simu informasaun liu husi Media sosial (medsos), orienta kedan xefe departamentu administrasaun finansas ne’ebé toma konta asuntu infraestrutura halo ona virifikasaun ba eskola refere.
Ami sempre akompania situasaun atuais akontese iha nivel munisipiu relasiona akontese iha ensinu EBF Guelocai, ha’u hetan kedas informasaun liu husi komunikasaun medsos nian, hafoin ida ne’e, ha’u mai orienta kedan ami nia xefe departamentu administrasaun finansa haruka tun ba halo virifikasaun,’’ hateten Crsipin Lopes Monis iha nia kna’ar fatin foin lalais.
Diretor ne’e hateten rezultadu husi verifikasaunne’e sei aprezenta relatoriu ba ministeriu edukasaun espesifikamente destinadu ba diresaun nasional asaun sosial, tanba iha fundus espesifiku atu atende urujentemente.
Sei tun ba terenu haree ho matan rasik, aprezenta ba nasional tuir fundus ne’ebé nasional sei iha ita bele atende urjentemente see laiha ita hein tan parte seluk” katak nia.
Iha fatin hanesan Koordenador Ensinu básiku filial (EBF) Guelocae, Marcelino Borges hateten, kondisaun eskola antes anin seidauk loke, eskola ne’e la di’ak, antes ezije ona ba governu hadia eskola ne’e, maibé too agora la hadia.
Ami ezije ba governuatu bele hadia lalais eskola ne’e ho urjensia tanba eskola ne’e anin loke hanesan ne’e, ami husu mos atu bele halo moru haleu eskola, no halo biblioteka para ami bele rai livru sira ne’e, fatin atu rai livru laiha, eskola ne’e kadeira meja la sufsiente ba estudante, sintina mos at, dapur mos at hotu, durante ne’e ami hato’o más to’o agora rezultadu laiha too anin loke hanesan ne’e,’’ haktuir koordenador EBF Guelocae ne’e.
Akontesimentu ne’e iha loron 14, tuku 3 lokraik, momentu akontese estudante sira intervalu hela, akompania mos ho udan tama too sala laran, estudante sira konsege halai hodi salva an, momentu ne’eba Klase rua mak aprendizajen kompostu husi klase V-VI.
Eskola EBF Guelocae hari’i iha 2009, aula kompostu primeiru anu too sestu ano, total estudante tinan ne’e 228, ho profesor hamutuk ho kordenador nain 7, kontratadu iha nain tolu, permanente nain 4,estudantes hamutuk atus 3 liu ba leten, maibé sala aprendizajen la sufisiente.
Koordenador ne’e akresenta, eskola refere eletresidade mos laiha, maske fiu instala ona iha 2015, too ohin loron eletrisidade la lakan.
Eskola ne’e, eletresidade mos la asesu, fio husi Estrada mai iha ne’e dada tia ona, EDTL atu liga mai eskola ne’e mak to agora seidauk liga, husi 2015 fiu ne’e husik hela to hanesan ne’e” hateten husi nia
Kordenador ne’e informa, Tinan tinan hato bebeikba guvernu , sira nain mos mai halo verifika, verifika eskola ne’e lahatene dala hira ona, mai dehan atu halo eskola foun mais realidade la iha
Jornalista : Azelio da Cruz
Editór : Agapito de Deus
