Lafaek News–Negosiantes Merkadu Taibesi parte block A halerik bee haris fatin durante fulan ida ona provoka iis maka’as susar ba labarik inklui ferik katuas ne’ebé halo atividade negosiu iha merkadu dada iis la di’ak.
Vendedora Emilia da Silva Freitas, hateten nia parte sente la kontente tanba infraestrutura haris fatin nian la favoravel ona no bee mós laiha durante fulan ida ona susar tebes ba negosiante sira atu utiliza haris fatin loro-loron.
Fulan ida ona mak ami la uza tanba bee laiha, ba de’it privadu nian, ne’e ami selu sentavus 25 too 50, tanba kabun moras mii moras ita atu ba ne’ebé, be’e laiha agora foer iha ne’e mós dois tu’ur iha ne’e mos dois los sente la kontente, tanba ami fa’a sasan iha ne’e,” dehan negosiante Emilia da Silva Freitas ba lafaek news iha merkadu taibesi, sesta (15-10-2021).
Iha fatin hanesan negosiante Umbelina Maria Amaral hatutan tan bee laiha kuaze fulan ida ona, tan ne’e la uza haris fatin, maibé iha fatin sorin terminal be’e iha, iha parte block A nian bee laiha ema mai soe bee arbiru halo iis ema sira atu mai sosa modo mos hakribi negosiante sira.
Negosiante ne’e rekomenda governu atu hadia kanaliza lalais be’e mós ba vendedores iha merkadu Taibesi bele uza ba fase modo no haris.
Hatan ba preukupasaun ne’e, koordenadór Merkadu Taibessi, Antonio Manuel de Araujo, hateten liga ba fasilidade merkadu Taibesi presija halo fali realibilitasaun merkadu ne’e, hanesan da-daun konstrusaun balun bele la’o ona no mós liga ba fasilidade ne’ebé mak saneamentu nian sintina balu mós avaria presija hadia no halo konstrusaun foun.
Iha ona kompanha GSA Company sira nia liman, sira halo ona konstrusaun ba fatin ne’ebé saneamentu lor-loron ba vendedores sira nia sira presja, no mós iha merkadu taibesi bee mós susar lahalimar,” imforma nia
Antonio Manuel de Araujo argumenta, antes ne’e bee iha, maibé la’os fornese hosi SAS, hosi departamentu mak kanaliza bee hosi bomba, maibé mákina ida de’it ne’ebé maka kompania antes monta iha 2021 too agira sei utiliza.
Estajiada : Carla Borges
Editór : Agapito de Deus
