Lafaek News–Sekretáriu Estadu Protesaun Sivil (SEPS), Joaquim hateten, família vítima inundasaun 4 de Abril, hamutuk 69, hakarak fila ba sira nia hela fatin, maibé uma kain 68 sei iha prosesu mediasaun.
Ba sira ne’ebé seidauk fila ita sei haree meius saida mak ita bele halo, ita sei haree lei fó dalan ba ita atu halo alojamentu ba sira, maibé ita kontinua nafatin ita nia servisu, ita halo mediasaun nafatin i identifika sira para bele muda ba fatin seluk,” dehan Joaquim ba Jornalista iha Rezidénsia PM Faról Dili, segunda (04/10/21).
Joaquim argumenta, meius diak liu ne’ebé protesaun sivil opta ba mak halo mediasaun ba sira atu hetan fatin ne’ebé apropriadu no dook husi fatin risku ba dezastre.
Se ita rezolve, ita atu lori ba kóst mós fatin temporáriu de’it, diak liu mak rezolve ho sira, lori sira ba fatin ne’ebé mak permante,” informa Joaquim.
Enkuantu iha sentru alokasaun ne’e iha familia uma kain 69 hakarak fila ba sira nia fatin no 68 protesaun sívil sei halo mediasaun, entre sira ne’ebé ne’e balun ba RAEOA, Baukau no balun sira nia familia bele akomoda sira.
Jornalista : Juvita dos Santos
Editór : Agapito de Deus
