Lafaek News--Ministru Asuntus Parlamentares no Komunikasaun Sosiál (MAPKOMS), Francisco Martins Jerónimo ohin, segunda (04/10/2021), relata rezulatdu kampania vasinasaun iha munisipiu Aileu ho porsentu 50 Primeiru Ministru Taur Matan Ruak.
Ha’u mós relata ba sua exelénsia katak Aileu iha tempu nebá seidauk to’o 50 pursentu, maibé iha semana kotuk to’o ohin Aileu atinji ona 50 pursentu liu iha vasina primeira doze no segundu doze to’o ona 20 i tal pursentu, tanba ne’e ita nia populasaun presiza tebes membru governu atu ba to’o iha nebá hodi halo esplikasaun ba sira nune’e sira mós iha konfiansa tanba sira durante konsumu liu hoax,” dehan Francisco iha rezidénsia PM Faról Dili, segunda (04/10/21).
Nia informa, maneira primeiru mak ko’alia husi fuan ba fuan, hase’e no enkoraza sira nune’e komunidade mós laran metin hodi voluntariamente simu vasina.
Buat ne’ebé ita halo mak ita hakbesik ba ita nia povu sira atu kolia husi fuan ba fuan, ita hasé sira, ita kolia ho sira atu nune’e bele enkoraja sira laran metin hodi voluntariamente ba simu vasina, tanba ita la ko’alia ho sira, sira sente sira dook demais no sira sente laiha ema tau matan entaun sira rona oan sira, familia sira no viziñu sira mai dehan imi ba sona ne’e mate hotu ona,” informa MAPKOMS Francisco Jerónimo.
Iha okalizaun ne’e Francisco Jerónimo husu membru governu hotu atu servisu maka’as halo kampania vasinasaun atu motiva populasaun sira simu vasinasaun.
Jornalista : Juvita dos Santos
Editór : Agapito de Deus
