Lafaek News--Reitor Universidade Nasional Timor Lorosa’e (UNTL), João Soares Martins, informa ba oin UNTL sei estabelese departamentu Estudu Koreanu, tanba iha ona kooperasaun ho governu Korea liu husi emabaixada iha Timor Leste.
Aban bain rua ba oin bele loke sentru estudu korea nian iha UNTL,’’ Hateten Reitor (UNTL) João Soares Martins ba Lafaek News hafoin remata seremonia kooperasaun UNTL ho embaixada Korea iha edefisiu UNTL Kaikoli, Segunda (13/09/21).
Reitor UNTL ne’e haktuir objetivu husi kooperasaun entre UNTL ho embaixada Korea ne’e ho intensaun atu loke departamentu Korea, maibe planu ne’e sei akontese futuru la signifika estabelese departamentu refere iha situasaun agora,
Ba oin sei bele loke departamentu Korea mas ne’e tempu dook, tempu badak ne’e loke sentru estudu Korea bele loke mos kursu Korea nian atu ita bele aprende oinsa sosiedade Korea sira nia dezenvolvimentu, sira nia kultura, sira nia tradisaun, ne’e bele mai aprende iha sentru estudu Korea nian,” katak João Soares Martins.
Iha fatin hanesan Diretor The center for Korean Studies, (CKS) Chanwon Choi, hateten objetivu kooperasaun ne’e atu bele oferese oportunidade edukasaun relevante ho lian Korea no hakarak suporta dezenvolvimentu Timor-Leste.
Objetivu husi programa korea ne’e liu husi sentru estudu koreanu oferese oportunidade edukasaun relevante konaba korea no mos liu husi atividade ida nee hakarak suporta desenvolvimentu timor leste nian ikus mai relasaun ho timor leste no korea dezenvolve diak liu ida nee objetivu,” Diretor The center for Korean Studies.
Entretantu Investimentu osan ba programa ida nee ho total Dollares Amerikano rihun ruanulu atus lima inklui mos ho livru no ekipamentus sira seluk.
Estajiada : Carla Borges/Crisencia Ferreira
Editór : Agapito de Deus
