Lafaek News—Diretor Exekutivu Forum Organizasaun Naun Governamental Timor-Leste (FONGTIL) Daniel Santos do Carmo, konsidera Presidente Parlamentu Nasional (PPN) Aniceto Guterres ba partisipa enkontru iha Austria foin lalais ne’e la nesesariu, tanba Timor-Leste hasoru hela problema pandemia Covid-19.
“Presidente bele ba inkontru, maibé la muda Timor imediata, tan ne’e mak ita dehan la nesesariu, tanba mundu agora ema aplika online meeting bele uza zoom, lolos PPN tenki iha autoridade atu hatete ba komisaun organizadora iha Austria katak ami la ba tanba populasaun iha ami nia rai iha problema ne’ebé seriu impaktu makas husi pandemia Covid-19,” dehan Diretor Exekutivo Daniel Santos do Carmo liu husi komferésia imprensa iha salaun FONGTIL Kaikoli, seguda (13/09/2021).
Nia hatutan, tuir lolos PPN tenki hakmatek iha rai laran hodi konsentra ba problema sosial sira ne’ebé mak impaktu husi pandemia global ida ne’e.
“Hau rasik partisipa iha meeting zoom ho kolega ativista sira iha mundu liu-liu liga ho asuntu iha sosiedade sivil nian. PPN tuir inkontru iha Austria parte ida representa estadu, maibé iha situasaun ida ne’e ita bele dehan nee la nesesita,” dehan nia.
Diretor imforma, FONGTIL deskonfia prezensa PPN Reuniaun iha Austria iha buat rua hanesan motivu ida Gasta osan povu nian no ida halo traisaun ba populasaun nia moris iha Rai-laran.
Jornalista : Rita Moniz
Asisten Editór : Pedro de Almeida
