LafaekNews – Komandante Unidade Patrullamentu Fronteira(UPF), Superintendente Polisía, Euclides Belo, informa, husu ba Forum Organizasaun Noun Governamentál Timor-Leste (FONGTIL), atu labele tau kanuru iha asuntu seguransa hodi halo baralla situasaun iha rai laran liuliu iha fronteira
Tuir Komandante UPF Euclides Belo, husu ba NGO FONTIL labele baralla situasaun hodi implika komunidade sira ne’ebé hela besik fronteira tan ne’e ida-idak halo nia servisu, labele tau kanuru ba asuntu seguransa nian,
Husu ba Diretor NGO FONGTIL tenke hadi’a ninia intervensaun antes atu hato’o ba media sira nomos husu editór iha media sira atu hadi’a lai informasaun ne’ebé jornalista rekolla iha terenu tanba ami iha fronteira garante komunidade lubuk ida husi Oekuse, Bobonaru no Kovalima, tan ne’e husu mós komunidade sira labele trauma ho informasaun ne’ebé Diretor FONGTIL ko’alia,””dehan Komandante UPF Euclides Belo ba Jornalista iha komando Jerál kaikoli Dili, 08/09/2021.
Euclides esplika, Se mak hakarak koko kilat ne’e bele kaer tiru nia (Euclides), labele baralla situasaun tanba kilat manu nian la’os kilat ne’ebeé uza atu hodi funu
Komandante UPF Ne’e relata, Knaar saida mak ema halo tuir ida-idak nia servisu labele tau kanoru iha seguransa nian tanba Timor oan tenke kontribui ho informasaun pozitivu labele fo informasaun neebe atu halo baralla situasaun iha rai-laran.
Asuntu ne’e Komandante Unidade Patrullamentu Fronteira(UPF), Euclides Belo kestiona, tanba antes ne’e iha loron 6/9/2021, Diretur Forum Organizasaun Naun Governamentál Timor-Leste (FONGTIL), Daniel do Santos Carmo, hato’o deklarasaun liu husi media GMN, katak, hodi husu kapasidade autoridade seguransa (PNTL-F-FDTL) sira nian, tanba akontese sidadaun balu kontinua lori arma ilegál mai territóriu nasionál.
Iha loron 5/09/2021, komunidade ida hetan Kilat ne’e ho marka AESE 92, nu’udar kilat-manu, ne’ebé ema lori tama ho ilegalmente, kompletu ho bala musan 30 resin, falun iha plastik, tabaku lulun nian iha suku Beiseuk, Postu Administrativu Tilomar, Munisípiu Covalima.
Jornalista :Orlando Magno
Asisten Editór: Egidio Nono
