Lafaek News–Diresaun Jerál Servisu Migrasaun (DJSM), halo identifikasaun ba membru GAM PSHT hamutuk ema nain 50 hafoin kompleta loron 14i iha karantina iha hotel Excelsior.
Komandante Setór Operasaun Servisu Migrasaun (SOSM), Inspetur Luis do Carmo informa, sidadaun Timor-oan ne’ebé envolve iha GAM PSHT hafoin deporta autoridade seguransa Indonésia iha fulan kotuk tanba tama ilegál iha fronteira hodi ba sa’e sintu iha Belu.
“Ohin 03/09/2021 ita halo identifikasaun ba Membru GAM PSHT nain 50 ne’ebe kompleta ona sira nia loron 14 iha kuarentena, nain 30 ami foti iha Hotel Mey Yi Hudi Laran, nain 12 foti iha Hotel Fantija no ema nain 8 foti iha Hotel Excelsior avenida Portugal,’’ dehan Luis ba jornalista iha Ministeriu Interior Vila-Verde Dili, sesta (03/09/2021).
Luis esplika, hafoin servisu Migrasaun konklui prosesu identifikasaun ba membru GAM 50 ne’e sei entrega fali ba Servisu Investigasaun Kriminál Nasionál (SIKN) hodi kontinua halo investigasaun ba prosesu kriminal nian no sei haruka ba Ministeriu Publiku hodi prosesa tuir lei neebe eziste ona.
Jornalista :Orlando Magno
Editor : Agapito de Deus
